八十幾分要見家長

(綜合報道)(星島日報報道)

朋友對我說，她的兒子最近要「見家長」，理由是測驗成績欠佳。我問他真的很差嗎？她說：「八十幾分！」一百分滿分有八十幾分都要「見家長」？「老師話我們學校大部分學生都起碼九十幾分，你個仔得八十幾分，要考慮應否為他找一些校外補習課程……」

又有個朋友，正在忙於為女兒找單對單上門授課的普通話老師，因為她聽人講，當小朋友「有番咁上下大」，就要「谷」語言，普通話對考小學有着數，講得好，錄取機會將提高！問題是，她的女兒只得歲半大，現時只懂說「媽媽」、「呀呀」等疊字！再問真點，真正理由是「因為阿邊個邊個已經請了普通話老師教他的兒子……」。

　　
點解個世界會有戰爭？因為我哋有武器。咁點解我哋會有武器？因為佢哋有武器囉！
　　
我明白，唔係你子女，你點會明白父母的真正處境？但「人有我有」、「唔好執輸」、「人哋係咁，所以我個仔/女都要係咁」這類心態，真的對小朋友有幫助嗎？我不知道，香港教育根本就是一部課外書，書名叫《十萬個為甚麼？》。