v 26歲男老闆馴𡃁有道: 後生唔鬧得 老闆員工似朋友

2013年05月13日

80後café老闆馴𡃁有道

159,623

適中字型 較大字型

26歲的梁迪倫（右三），與80後、90後員工打成一片。受訪者提供圖片

【本報訊】80後、90後好難搞？26歲的梁迪倫，四年前畢業後向家人借七萬元，在公認「死位」的偏僻位置開了第一間咖啡店，至今已是四店老闆，每月營業 額達180萬元，共聘用約70名員工，逾半是80、90後。作為老闆，他有一套「馴𡃁」之道：要有耐性、人工不低於市價、提供學習機會、上下打成一片及 「從來唔鬧人」。

梁迪倫的爸爸是司機，媽媽是文員，梁曾在旺角樓上咖啡店做了六年兼職，四年前讀畢傳媒和文化副學士後，跟媽媽借七萬元，夥親戚在 葵興工廈區舊商場開了第一間咖啡店。「好多人話位置偏僻係死位，但租金只係旺區十分一，我覺得少生意可以請少啲人，買少啲食材，但租金冇得變，舖租一定要平」。

他以新潮裝修令客人覺得工廠區都有特別的咖啡店，總算站得住腳，後來再分別在鰂魚涌英皇道及長沙灣福華街開舖，間間都有錢賺。去年底在深水埗開第四舖，用百萬元裝修，以旅遊主題作招徠，「會叫旅遊達人逢星期六嚟分享趣聞，想成為旅人中轉站」。

做 生意成敗之道包括管理員工，「好多人話後生好難搞，佢哋有啲真係唔知自己想點，例如有80後嚟見工，請咗，但第二日唔見人，過咗兩個月又再嚟見工。仲有啲 員工唔識同客人講多謝，但佢地係冇心嘅，因為不嬲對住自己爸媽都係咁，惟有慢慢教」。

每逢周六梁迪倫都會請旅遊達人到咖啡店分享趣聞。江俊豪攝

後生唔鬧得　老闆員工似朋友

要留人，做老闆要有耐性，人工不可以比市面低，仲要有學習機會，平日更要與他們像朋友般傾偈。「我唔會鬧員工，因為又唔係𢭃得你好多錢，無謂搞到佢哋咁 難受，反而有好嘅工作氣氛，令佢哋唔捨得走先係關鍵。例如年廿九食團年飯，四間咖啡店全部提早收爐，傍晚前趕晒啲人返屋企，之後全部同事又會另外食團年 飯，好似家人朋友咁囉」。