2013年06月01日
記：《蘋果》記者 陳：陳梓進，港人自決藍色起義發言人
【隔牆對論】
陳梓進生於1986年，1989年六四時3歲。2001年起出席維園六四燭光集會，在多次遊行中高舉港英龍獅旗，揚言「我是香港人，不是中國人」。
【隔牆對論】
陳梓進生於1986年，1989年六四時3歲。2001年起出席維園六四燭光集會，在多次遊行中高舉港英龍獅旗，揚言「我是香港人，不是中國人」。
記：為何今年不去支聯會的六四燭光集會？
陳：我自己班朋友，3、4月已經話唔去六四，原因係支聯會咁多年壟斷咗成個運動，但都冇好實質嘅嘢走到出嚟。我連續去咗十多年燭光晚會，大會內容冇變過，呢幾年支聯會傾向向中國旅客灌輸平反六四，忽略咗香港本土同香港人感受。
新 一代係靠自己上網搵（六四）資料，支聯會對新一代嘅支援比較少。整個平反六四運動，十多年形式或promotion，都冇變到，每年遊行、放風箏、六四長 跑，到最後六四晚會，冇乜嘢結果走到出來，最後不了了之，到翌年3、4月同一系列活動又走出嚟。佢哋搞咗咁多年，係咪思維上塞住咗？我哋應該搵新嘅方法， 刺激多啲人走出嚟。可能支聯會做咗好多嘢，係我冇留意到，一日咁多新聞我可能留意唔晒。
記：照你這麼說，你是因為支聯會霸權，所以不去維園？
陳：我認同𠵱家有種支聯會霸權，壟斷咗成個平反六四嘅活動。其實，市民可以自發去悼念六四，自己匿埋一邊又好，祈禱、燒香、拜神都好，唔一定要去維園。
我係不同意支聯會做事方式，如果你都唔同意，我六四嗰日，會喺尖沙嘴鐘樓悼念六四，你喜歡可以同我一齊悼念，你亦可以去維園。我哋唔係共產黨，毋須一言堂，唔使個個一樣。
記：但十多萬人齊集維園點起燭光，用人數、燭光向中共說不，高呼平反六四，不是更好嗎？
陳：其實呢樣嘢可能係令共產黨驚，但我會諗，如果香港唔同角落，呢度一堆人，嗰邊一堆人，呢度幾千，嗰度幾千，平反六四遍地開花係咪更加好呢？唔係每個人都可以抽到時間去到維園，每個地方都有人悼念仲好。
記：「愛國愛民」這句口號，是否也有令你不想出席今年燭光集會？
陳：唔係。但「愛國愛民，香港精神」呢兩句真係令人毛管戙。做乜嘢事呀！支聯會平時都係話薪火相傳，結束一黨專政，無端端整個愛國愛民，係咪想選特首、做官呢？我考究唔到。
但 係我覺得呢兩句係刺激到香港人嘅神經，近年嚟自由行、搶學位、搶奶粉、搶屎片乜嘢都搶，我點樣去愛國呢？你個國家係破壞王，令到我哋生活本來正常，卻帶嚟 咗我哋好多不便，甚至要我哋改變生活方式。點解我要去愛國呢？香港精神，乜唔係拼搏咩？點解會變咗愛國愛民㗎？
陳：我自己班朋友，3、4月已經話唔去六四，原因係支聯會咁多年壟斷咗成個運動，但都冇好實質嘅嘢走到出嚟。我連續去咗十多年燭光晚會，大會內容冇變過，呢幾年支聯會傾向向中國旅客灌輸平反六四，忽略咗香港本土同香港人感受。
新 一代係靠自己上網搵（六四）資料，支聯會對新一代嘅支援比較少。整個平反六四運動，十多年形式或promotion，都冇變到，每年遊行、放風箏、六四長 跑，到最後六四晚會，冇乜嘢結果走到出來，最後不了了之，到翌年3、4月同一系列活動又走出嚟。佢哋搞咗咁多年，係咪思維上塞住咗？我哋應該搵新嘅方法， 刺激多啲人走出嚟。可能支聯會做咗好多嘢，係我冇留意到，一日咁多新聞我可能留意唔晒。
記：照你這麼說，你是因為支聯會霸權，所以不去維園？
陳：我認同𠵱家有種支聯會霸權，壟斷咗成個平反六四嘅活動。其實，市民可以自發去悼念六四，自己匿埋一邊又好，祈禱、燒香、拜神都好，唔一定要去維園。
我係不同意支聯會做事方式，如果你都唔同意，我六四嗰日，會喺尖沙嘴鐘樓悼念六四，你喜歡可以同我一齊悼念，你亦可以去維園。我哋唔係共產黨，毋須一言堂，唔使個個一樣。
記：但十多萬人齊集維園點起燭光，用人數、燭光向中共說不，高呼平反六四，不是更好嗎？
陳：其實呢樣嘢可能係令共產黨驚，但我會諗，如果香港唔同角落，呢度一堆人，嗰邊一堆人，呢度幾千，嗰度幾千，平反六四遍地開花係咪更加好呢？唔係每個人都可以抽到時間去到維園，每個地方都有人悼念仲好。
記：「愛國愛民」這句口號，是否也有令你不想出席今年燭光集會？
陳：唔係。但「愛國愛民，香港精神」呢兩句真係令人毛管戙。做乜嘢事呀！支聯會平時都係話薪火相傳，結束一黨專政，無端端整個愛國愛民，係咪想選特首、做官呢？我考究唔到。
但 係我覺得呢兩句係刺激到香港人嘅神經，近年嚟自由行、搶學位、搶奶粉、搶屎片乜嘢都搶，我點樣去愛國呢？你個國家係破壞王，令到我哋生活本來正常，卻帶嚟 咗我哋好多不便，甚至要我哋改變生活方式。點解我要去愛國呢？香港精神，乜唔係拼搏咩？點解會變咗愛國愛民㗎？
「悼念六四事件，你可以唔支持支聯會，但你唔可以同六四事件割席，話唔關你事，咁樣斬纜係冇人性。」
記：提出城邦論的陳雲直斥支聯會「愛國愛民」的主題，聲言要杯葛六四燭光集會。你如何看陳雲的言論？陳： 如果陳雲真係叫人唔好悼念六四，要中港區隔，我覺得佢係冇咗人性。1989年，過百萬香港人喺八號風球上街，因為我哋係有人性，我哋都擔心香港嘅前途，但 係如果呢一刻，你同我講，六四唔關香港人事，咁關邊個事呀？嗰百幾萬人當年出嚟遊行為咗乜嘢呢？每個地方多少也互相倚靠，唔可能完全斬纜。
悼念六四事件，你可以唔支持支聯會，但你唔可以同六四事件割席，話唔關你事，咁樣斬纜係冇人性。我係比較支持范國威同毛孟靜嘅觀點。
記：你經常高舉龍獅旗，你是如何看「國家」這個概念？
陳：有次搭巴士，有個阿媽，指住支青天白日滿地紅旗，話畀個仔知，呢支就係國旗，附近有個男人好不滿，大鬧五星旗先至係國旗。
其實香港人係精神分裂，究竟中華民國、中華人民共和國，定係英國先係我哋嘅國家呢？我自己真係唔識分。我只係愛香港呢個地方。就係咁，好簡單。
03年七一遊行，我已攞支龍獅旗出嚟，俾人話我係殖民走狗、港英餘孽，我只係想畀香港人知道，點解我哋曾經有個好高效率、聽民意嘅政府，點解𠵱家個政府變成咁，03年為《基本法》23條立法，係咪要聽共產黨支笛呢？點解舊有嘅良好制度消失同破壞緊？
沒有留言:
張貼留言