v 工程師執鋤頭種上癮 嚐到汗滴禾下土

2013年05月13日

工程師執鋤頭種上癮　嚐到汗滴禾下土

65,045

適中字型 較大字型

■有8年農耕經驗的Oliver（中），是新丁Alex（右）及Zero（左）的活字典。黃賢創攝

【香港有空耕】系列報道之二
【本報訊】鄉郊青葱，於都市人而言似遠還近。若 你願意踏出石屎森林，卻是另一番風景。兩代工程師，退休前輩手執鋤頭開拓事業第二春，更闢出農莊一角租予同道人，助年輕人圓農耕夢；當紮後輩機緣巧合走進 田園，打滾八年後頓成半個專家，哪棵是雜草，哪棵是正牌菜苗，他雙眼就是證據。可惜，本港農地越來越少，其中棄耕地更多過菜田10倍。
記者：袁樂婷

尋夢需要勇氣，圓夢更需要機緣。維修工程師廖顯亮（Oliver）八年前與朋友遠足經過流水響，無意中發現粉嶺鶴藪有片農耕樂土，立刻「扑槌」與朋友同租 兩小塊田地。一種八年，試過被大雨沖散農坑，也試過炎夏落田嚐到「汗滴禾下土」的艱苦滋味，卻越種越上癮。城市發展往往要犧牲農地，他說：「菜心賣到24 蚊斤，點解？因為香港冇人種。」
Oliver每個周日專程開車到鶴藪，享受半日悠閒。他憧憬農耕生活已久，卻一直沒找到合適農地，「有啲要喺元朗、大帽山先有，遠得滯」。

難忘風雨沖散大坑

他指向隔壁一塊數月未有人料理的農坑，「啱啱開始好多雜草要自己清，最辛苦呢吓」。尤其是夏天，「拎起鋤頭已經流晒汗，嘩！好想走啊即刻」。但吃苦頭竟有 無法解釋的吸引力，「辛苦得嚟又好想繼續辛苦落去」。
6年前的八號風球曾將他的農坑沖散，「諗過不如算啦，但隔籬咁啱有另一條坑，咪畀多次機會自 己，所有嘢其實都係睇彩數，冇得勉強」。上月突如其來的大雨同樣殺他措手不及，「呢度（地勢）低咗，啲水喺上面流落嚟，種嘅嘢就算冇沖走都浸死晒」。像他 種的粟米，不少枝葉發霉，「冇得救，生命力強嗰啲咪好啲囉，可以試吓過一排會唔會變番青綠」。他邊說邊蹲下，指向其中一棵明顯發黃的粟米葉，「呢棵唔得 喇」。
「最驚險係見到青竹蛇喺隔籬草叢唞涼，突然又有田雞跳出嚟嚇你」，口講驚險，說時卻絲毫不覺懼意，「以前連蜜蜂都驚，耐咗已經當佢哋係朋 友，你唔搞佢佢唔會理你。你有你生活，我有我忙碌」。以前常被蚊咬得手腫腳腫，現在連蚊怕水也用不着。

阻嚇雀鳥

樂在其中

■農業能否持續發展，取決於有沒有新血加入。

變專家辨菜苗雜草

八年來拍檔換過不少，最新夥伴是同事袁志強（Zero）和甄志恆（Alex）。訪問當天他們正要除草，兩位新丁疑惑如何分辨菜苗與雜草，經驗老到的 Oliver化身活字典，「呢棵係莧菜……有啲（雜草）好乞人憎會扮蘿蔔葉，見得多就識分」。
城市發展，農地總被犧牲，「𠵱家啲嘢全部都貴，就係因為冇農地，全部都要外來入嚟。好似前個星期，菜心賣到24蚊斤，點解？因為香港冇人種」。
是否有新血加入，他未敢樂觀，因年輕人「百足咁多爪」，莫說全職務農，連堅持當一年半載假日農夫也非易事。去年夏天有五個女生租了附近一塊田，「開頭好開心，翻吓鋤吓，嘻嘻哈哈笑；嚟咗兩個星期，到𠵱家都冇再嚟過」。