2013年02月10日

細細粒忌廉哥常滿

66,194

適中字型 較大字型

■230磅的細細粒成功把18磅肥貓忌廉哥擁入懷中，人貓合璧向大家送旺氣賀新歲。攝影：陳志嵐

送龍迎蛇，人人期待過肥年，全身散發無限福氣的細細粒陳嘉佳（小寶）和人氣肥貓尖東忌廉哥，同樣人見人愛、車見車載。人貓日前首次邂逅，230磅的處女細 細粒即肉緊攬實18磅的忌廉哥，令忌廉哥動彈不得，她集郵成功拍下世紀合照，開心得笑到見牙唔見眼，不過熱情細細粒一時忘形啜爆忌廉哥的舉動，令牠怕醜得 四圍搵窿捐。
撰文：比華利

肥是福氣象徵，27歲肥妹細細粒陳嘉佳遇上伯樂王祖藍，參演無綫劇集《老表，你好嘢！》，憑細細粒討好角色一炮而紅，原來細細粒也是愛貓之人，她早聞尖東忌廉哥大名，爆紅細細粒日前孖招財肥貓，在蛇年的大年初一向大家送上雙倍旺氣。
7 歲半的忌廉哥是雄性英國短毛貓，主人高先生是尖東報紙檔老闆，忌廉哥約一個月大時獲熟客送贈，自此便24小時長駐報紙檔，既是顧客親善大使，又是店中生招 牌。忌廉哥溫馴可愛，人氣急升，威到facebook有群組，取得逾六萬個likes，每日都有粉絲慕名到報紙檔探訪或幫襯，近日還用嘜頭印揮春、月曆和 利是封，名副其實是主人的招財貓。

■尖東無人不識的忌廉哥，原來非常為食，看見主人手中貓糧即舔舔脷。

■妹妹和忌廉哥先後掙扎逃走避開細細粒，把她嚇一跳。

■忌廉哥拱手拜年，招財貓也望過肥年。

初邂逅怯場

忌廉哥和細細粒人氣不相伯仲，230磅處女細細粒首次邂逅18磅肥貓忌廉哥，她即肉緊飛撲過去打招呼兼送吻，習慣被粉絲團團包圍的忌廉哥，這天卻出奇怕 醜，不停避開與細細粒作眼神接觸，全程需要主人從旁訓示。不過忌廉哥最後都發揮好客之道，帶着老婆妹妹，齊齊招呼了細細粒一輪，不過熱情爆燈的細細粒，舉 動似嚇怕忌廉哥和妹妹。
紅人紅貓難得同時在報紙檔現身，加上正值午飯時間，吸引途人及粉絲圍觀，不約而同拿出手機為忌廉哥和細細粒拍下世紀合照， 忌廉哥與妹妹頓時有點怯場，慌張得從貨架上跳下想躲起來，主人見狀即用玩具和罐頭貓糧，又玩又食才可勉強留住兩貓。

■主人高先生親切為途人跟細細粒和忌廉哥影合照，吸引粉絲圍觀。

■細細粒肉緊捉實妹妹和忌廉哥，兩貓無路可走。

屢請食檸檬

忌廉哥吃過零食，睡魔開始急call，懶洋洋的牠此時才肯讓細細粒抱入懷中，成功促成人貓合體。細細粒與忌廉哥一小時約會，不停被請食檸檬，細細粒說： 「佢望都唔望我，越叫越走。」細細粒自爆家中曾養過兩頭愛貓，現在全家專心照顧老狗，再養貓的計劃暫時擱置。
細細粒憑《老表》一劇成功彈出，工作亦接踵而來，荷包腫脹過肥年，細細粒說：「我係上海人，家規會成份糧畀媽咪，阿爸都係咁，然後每逢周一就由阿媽支我哋零用，我為食幾大使，長期都問阿媽借糧，咁耐都係有借冇還。」