強國細路自由屙

2013年02月20日

門常開：強國細路自由屙 翠華侍應自然叫

61,205

適中字型 較大字型

「世通假期」逼旅客瞓旅遊巴好離譜，亦有茶餐廳對同胞唔夠體貼被投訴。話說喺強國嘅「十六番旅遊社區」，有同胞發帖分享港澳遊慘痛經歷，佢哋一家八口去尖 沙嘴加連威老道嘅源記茶餐廳，想話包房食嘢，點知「瘸腿」嘅侍應話人均消費要100蚊港紙，有錢就入得，同胞豪氣幫襯，但投訴跟餐嘅奶茶遲遲未送到，覺得 俾人歧視。

強國人喺網上發帖話香港餐廳歧視內地人。互聯網

有同胞體諒文化差異

後嚟佢哋去加拿芬道嘅翠華餐廳，兩歲囝囝話尿急，大人即刻搵個角落，拎出隨身攜帶嘅膠樽畀佢當眾尿尿，點知有個女侍應見到，大叫五次「二樓有廁所」，搞到 成間舖啲人都望住。同胞好委屈咁解釋：「寶寶小，怕上二樓就來不及，要尿在褲子上，天氣冷，怕他感冒。」仲埋怨如果真心為食客着想，應該細細聲講，咁樣係 針對大陸人。
好彩唔少同胞體諒香港嘅文化差異，有人認為源記做法夠均真，而樓主更加係歧視殘疾人士；亦有網友激讚翠華侍應反應快，「服務員叫嚷也有可能是着急了，我估計，人家走到了，你家小孩的問題也已經解決好了」。但亦有人苦心勸同胞：「麻煩你沒素質不要隨便亂出門。」
翠華發言人話當時店面人多嘈雜，加上侍應嘅普通話唔太靈光，所以大聲咁提醒幾次，如果令客人難受，願意致歉，但強調翠華係有牌食肆，唔容許任何影響食肆衞生同安全嘅行為。