2012年05月02日

禮義廉新人王:馬恩國、侯國東、招文亮

9,633

適中字型 較大字型

設計圖片

民建聯貴為香港第一大黨，有逾兩萬會員，不過人多就唔一定好辦事。佢哋噚日搞咗個發言人演講會，扶植土共接班人，八方都有去觀摩，睇吓裹面會唔會有未來陳 克勤。歷時兩個鐘嘅演講會娛樂性豐富，好似有人話成功要素係要夠「肺」；如果要勉強「大和解」對香港都冇好處云云，見解「精闢」，充份體現到禮義廉精神。

「所有成功都係由廢開始﹗」

民記每兩年選一次政策副發言人，經過筆試、面試、辯論，由47人篩淨23人，噚日進入最後遴選階段，鬥演講。做得禮義廉政策副發言人，對國情，中央架構都 應該要滾瓜爛熟。不過民記有位叫招文亮嘅仁兄，發言時引用國務院副總理李克強早前訪港講話內容，點知講咗「國家副主席」，唔通有人洩露國家機密？台下原本 聽到就快瞓着嘅人，都即時俾佢嚇醒。
另一個騎呢新星名為侯國東，其實口才唔錯，有潛質做 DJ，之不過大鍾意搞爛 gag。佢一開口就話：「所有成功都係由廢開始﹗」吓﹖難道呢個係民記獨有嘅成功之道﹖原來佢係話肺腑之言個「肺」喎。之後仲自創八字真言－－「知易行 難，老生常談」，「老」代表「鹵水蛋」，凡事要「浸耐啲」咁話喎，真係俾佢吹脹！
第三位傑出新人係馬恩國，正當中央話要大和解之際，呢位馬生就覺得「地產黨」為嘅係私利，團結唔到就無謂勉強。咁夠薑，可惜你入錯黨囉。