社民連黃浩銘：就瞓天橋底

2013年02月04日

隔牆有耳： 黃浩銘：就瞓天橋底

21,001

適中字型 較大字型

資料圖片

社民連黃浩銘（圖）近來多災多難，早幾日被警方秋後算賬告「非法集結」，前日又有報道話佢屋企有僭建。阿銘同八方呻，當年父母唔識法律，買咗塊「花園地」 唔種嘢就起屋，𠵱家地政署要入屋查，佢都覺得無可厚非。之不過最令阿銘唔忿氣，係早喺施政報告地區諮詢會期間，已有人「提醒」佢爸爸，「如果你個仔狙擊 CY就搵人搞你間屋！」佢慨嘆，原來尖啤所言非虛，有人真係「對方放毒，我哋就消毒」。
阿銘喺facebook留言話：「我就快畀我老竇老母趕出 去，要瞓街瞓天橋底，梁振英你開心啦？」雖然瞓街之說只係戲言，但佢真係諗住自己搬出去住，費事連累屋企人，但強調社民連頂得住，唔怕狼英打壓喎。