2013年02月12日
【記者張嘉雯報道】大年初二，因襲警罪成被還押至年初十的社運人士嚴敏華，在更新中心裏「放假」，「自由活動」3天，用爽朗聲線向記者說在獄中吃得飽穿得
暖，不希望任何人擔心她的生活及未判的刑期。本身是社民連成員的她，同意主席梁國雄指裁判官近年對社運人士判重刑的說法，她會好好運用今次的經歷，「等大
家有個底，知道入面嘅情況係點，唔會話儍吓儍吓行咗出嚟，出得嚟嘅人就唔會退縮。」
現階段不申請保釋
鵝蛋黃色的囚衣，深灰色的冷外套，右額上一個塑膠髮夾，嚴敏華眼神烱烱，仍然是小女孩模樣，記者還未坐下她就開始催促，「快啲啦，我哋得15分鐘㗎咋。」 父母朋友最擔心她吃不飽，她說：「唔慣都要慣啦，我日日都『清兜』㗎，食咗咩我唔逐樣數咁煩喇，總之啲嘢有營養嘅，唔使擔心！」被判入更新中心 後，她獲發處理政府文件的職務，閒來看書、寫文章及賦詩，「睇吓屈原、《大江大海》……不過喺呢度好難個心靜落嚟看書，啲人夜晚聽電台，好鬼嘈，有時想寫 吓文都唔得。」媽媽想她想得發慌，她卻沒有把自身的苦難放在眼內，「佢哋對我唔衰㗎，刑期嘅嘢擔心唔到咁多啦，都控制唔到。」
「無論點都會上訴」
她又表明現階段不會申請保釋，「算啦，申請得嚟都過咗年啦。」她認同裁判官近年傾向重判社運人士的說法，但仍相信今次有望判感化，「古思堯咁都判9個 月……對香港係一個好壞嘅先例，一定要上訴，我自己都無啦啦拋入嚟3個禮拜，不過我無論點都會上訴，因為我係無罪㗎嘛。」小辣椒今年5月生日，到時年滿21歲，若被判刑，可能要去大欖監獄，「到時肯定冇呢度咁舒服㗎喇。」但她認為今次事件是一個好機會讓她思考，並讓其他人了解到參與社運可能有犧牲。
沒有留言:
張貼留言