2013年02月02日

搵笨藥房海鮮價　港人斥搶錢

14,996

適中字型 較大字型

【本報訊】「奶粉荒」下，銅鑼灣一間藥房可免卻全城港爸港媽的煩惱，「成個倉都係奶粉，100罐都有得賣」。不過，一罐美贊臣1號奶粉標價350元，比建 議零售價（294元）貴56元。有顧客直斥：「搶錢、亂嚟！」店員冷笑：「咁你唔好生」。

店員嘲：咁你唔好生

記者昨到銅鑼灣香港中西大藥房查詢美贊臣安嬰兒A+（900克）1至4號價錢，店員說「1號350蚊、2號320蚊、3號270蚊」。美贊臣的建議零售 價，1號為294元；2號為264元；3號為237元。藥房分別抬價1號及2號56元；3號33元。
記者問「買10罐有冇貨？」店員稱「梗係有！成個倉都係奶粉，100罐都有得賣」。其間有另一顧客斥定價不合理，「平時200幾蚊咋，搶錢、亂嚟！」店員反唇相稽：「吓？又唔係人民幣」，在顧客走後更冷笑「咁你唔好生」。
「奶粉荒」不知何時了，育有5個月零一周大兒子的港媽張太，只餘兩罐牛欄牌1號（0至半歲食用），因牛欄牌1號缺貨，惟有「投降」，擬提早全面轉食半歲至1歲食用的2號奶粉，稍後轉食長期有貨的雪印思敏兒2號，「點知牛欄牌幾時又缺貨，唔博啦」。