2011年09月03日
【記者盧勁業報道】作為一位好客的香港人，你會介紹甚麼景點給訪港朋友？商店林立的銅鑼灣？迪士尼？還是天壇大佛？兩名80後深信傳統行程不能反映香港真
實一面，自發舉辦本港首個供外國人參加的「探秘本土遊」，在 facebook設立「 Secret Tour
HK」群組，免費帶遊客到工廠區及公共屋邨參觀，短短幾個月吸引不少遊客參加，更吸引多家國際傳媒採訪。
深入草根與舊區
由體驗天水圍的草根階層生活，到往灣仔、觀塘了解舊區重建計劃，探秘遊搞手 Stephen直言，行程選址均為旅遊指南沒有介紹，而「外國人自己去唔到嘅地方」，「唔係話佢哋唔識搭車，而係佢哋唔知道背後嘅故事同埋人味故事」。 Stephen與另一搞手 Josie同樣任職廣告公司，專找尋充滿香港味道的景點，帶旅客以最地道的方式深度遊香港。行程由到蘇屋邨跟老街坊聊天、到中環品嚐地道奶茶、到大街小巷 尋覓老香港足迹都有。他說：「其實香港有好多得意嘅地方值得介紹。我哋本身都鍾意孭背囊去外國旅行，除咗博物館同名勝，最令人回味係遇到當地人帶 我哋捐窿捐罅。」自今年2月開始辦團，短短半年已開八團，每次有數十人參加， facebook已有1,400多人加入，日本 NHK及本地《 Time Out》雜誌也曾採訪。
上周日的觀塘工廠團，記者也有參加，全團近30人，有遠至保加利亞的背囊客，也有在港工作的美國人；不少人以為工廠都遷 移內地，想不到香港還有工業。眾人在工廈內的餐廳嚐嚐打工仔的廉價午餐， Stephen出動 iPad，以陳寶珠當年的《工廠妹萬歲》 MV解釋香港工業的光輝歲月。來自新加坡的林小姐笑言，邊吃餐邊聽香港故事，比到銅鑼灣購物有趣得多。
一行人又到工廈內的紋身店及地下樂隊錄音室 參觀，再到龜苓膏店舖了解中藥藥材，不少女士聽到「 Turtle Jelly」材料來自龜隻，嚇至花容失色！曾有加拿大旅客告訴 Stephen，到外地旅行10多年，從未如此深入認識一個地方。 Stephen坦言，旅客滿意地歸家，是他繼續辦團的動力，「我哋搞呢個團仲有一個抱負，就係希望冇時間或機會出國嘅香港人，可以開放自己多啲同外國人交 流」。
沒有留言:
張貼留言