搵$10,000還$5,900 港人負債10年新高

搵$10,000還$5,900　港人負債10年新高

• 適中字型
• 較大字型

【本報訊】香港「債仔」越欠越多，金融管理局最新數據顯示，家庭負債佔本地生產總值（GDP）比率，去年12月升至59%，創10年新高。換言之，港人每搵10,000元，就有5,900元要用來還債，而當中七成半負債都來自樓宇按揭，有小業主直言為供樓要節衣縮食。
根 據金管局數字，1997年樓市泡沫爆破後，家庭負債佔當時生產總值只是48%，到2002年升至歷史高位60%，隨後一度回落，2008年後重拾升軌，至 去年12月達到59%。金管局總裁陳德霖昨日出席立法會會議時，形容現時本港家庭債務沉重，「唔止係樓宇按揭，私人貸款同消費信用卡貸款，都係增長得好 快」。

供樓佔近半人工

港人周身債，陳德霖直指樓市發展與實體經濟及市民收入已經脫節，一旦經濟和樓市掉頭向下，港人未必有能力還債，強調「唔係純粹狼來了」，警告市民「千萬千萬要小心」，做好風險管理。
事 實上，港人供樓負擔越來越重。根據經絡按揭轉介研究部數據，供樓佔家庭入息比率，由10年前16%，升至最近的43%，即供樓已蠶食打工仔近半份人工。任 職文員的蔡先生10年前與太太買樓置業，供樓佔家庭入息逾四成，他說：「同個仔玩都係免費娛樂，去吓公園，要節衣縮食、慳水慳電，唔敢使咁多。」
但經濟學家關焯照指本港家庭債務，可能源於「超低息環境人人借錢」，強調只要實際利率未升，情況未算惡劣。他又指陳德霖以「家庭負債佔GDP比率」評論樓市「冇乜代表性」，推斷政府只是為未來出招遏抑樓市鋪路，「用一個數字嚇你，作為支持論據，令出招合理化」。

市民點睇

蔡先生　文員
供樓佔開支四成，每個月都冇錢剩，好驚加息再加重負擔。

蔡先生　律師樓職員
從未做過業主，如加息令樓市跌三、四成就會入市。