2013年03月18日

中門大開：向港台復仇

7,002

適中字型 較大字型

港台風波相信會暫告一段落，鄧忍光自以為是的作風，碰了一鼻灰，但相信梁振英要將港台轉為官方喉舌的想法，唔會因此而告終，今次建制派將事件冷處理，正正 為了將來更好地執行整治任命。港台命中注定係民望低殘政客嘅天煞孤星，政客民望高，對港台《頭條新聞》也好、《議事論事》、《千禧年代》也好，所有批評諷 刺根本唔會上心、亦唔會重視。

恩怨始自港英年代

親中陣營一直視港台如眼中釘，雙方恩怨始自港英年代，當時籌委會另起爐灶，成立臨時立法會，並要求港府責成港台代為宣傳臨時立法會，被港台張敏儀及陳方安 生一口拒絕，雙方為此炒大鑊，而當日為北京出謀獻策者，正是今日大權在握的梁振英、邵善波、張志剛一系人馬，這班人自回歸後一直想拔除眼中釘，潛伏在董建 華身邊不斷打港台小報告，加上張敏儀、陳太、《信報》林行止夫婦關係密切，董陳之爭雙方有嫌隙，被老左乘虛而入，張敏儀被外調日本經貿辦，全面整治港台計 劃亦告開始。
在港台呢邊廂，被視為張敏儀、陳太一系人馬，以電視部公共事務組為骨幹，電台一幫人不過是一般公務員心態，對港台受整治冇乜太大反 應。本來曾蔭權對港台也不友善，一度連電視講話宣傳片，因不信任港台而外聘廣告公司拍攝，而雙方緊張關係得以緩和，是因為曾上任頭三年順風順水，整治港台 任務也變成不重要。
但今日梁振英、邵善波、張志剛等充滿鬥爭思維人馬上位，新仇舊恨又再出現，空凳事件之所以變成大件事，據悉乃政府高層有人在早 禱會上大興問罪之師，認為謝志峰如此侮辱吳克儉太過份。高層旨意自然有人向鄧忍光傳達，才有之後火併，鄧愚蠢之處係應付呢類所謂高層震怒，應先睇定才出 手，而且應該好女兩頭瞞，而非硬繃繃將不滿向港台員工發洩。
現時雙方休戰，唔代表梁振英收手，尤其今次鄧忍光出師不利，要道歉了事。在梁身邊一班鬥士、肯定會再出招，在節目製作及編排上，將港台變成宣傳喉舌，加上愛港力淨心BB等小闖將一齊夾攻，下回合將鬥得更慘烈。