天知地知李唔知 民建聯話撐基層 連人影都唔見

2013年04月01日

隔牆有耳： 廢物利用　民記橫額擋雨一流

1,448

適中字型 較大字型

■鬧李嘉誠同時插埋李慧琼，呢個佳句標語係用李慧琼橫額做㗎！

■義工見廢物用得唔好嘥，掛起禮義廉橫額為工人遮風擋雨。謝榮耀攝

民建聯都撐罷工？每逢選舉都派蛇齋餅糭嘅民建聯，口講話撐基層，但今次碼頭工人罷工，就連人影都唔見喎。之不過咁，禮義廉平時用嚟自吹自擂嘅橫額，呢幾日 就大派用場，有義工見廢物用得唔好嘥，就將陳鑑林等民記議員嘅橫額掛起嚟，啱啱好可以為班工人遮風擋雨，等佢哋有覺好瞓，養足精力同資方拗手瓜。
曲 線撐工人仲有李慧琼，佢幅橫額放正喺碼頭路中間，唔少工人經過都望多幾眼。點解？因為後面寫滿抗議標語囉，「行雷閃電繼續做，天知地知李唔知」，工人作詩 認真一流，仲語帶雙關，唔單止話李嘉誠，仲插埋李慧琼，兩個姓李嘅都冇理過工人苦況。係繼「養起李嘉誠，養不起家庭」之後，另一佳句。