2013年03月14日

法拉BB慨嘆地產霸權害死人	11,255
最後更新: 0314 22:09 / 建立時間: 0314 21:29

適中字型 較大字型

法拉都買唔起樓?不過佢睇啲樓...都唔係普通人買嘅...

法拉微博

呢啲樓，究竟有幾多人真係用來住?

香港畀地產霸權「佔領」，甚至有人提出喺天橋底起屋解決住屋需要，其實地夠唔夠一個問題，有班人啲樓只炒不住亦係問題，人工高想住好啲?其實好似都唔多容 易，好似陳法拉咁，今日喺微博貼咗張地產廣告出嚟，今次並唔係乜嘢4百萬「窮人恩物」、「上車首選」，而係全部過千萬嘅樓，最貴個間6千幾萬，但實用面積 得千二呎。

法拉BB好感性咁寫咗一大段嘢:「安居方能樂業，居住環境對一個人的成長，家庭關係，社會發展影響長遠。沒樓的人苦怨要用一輩 子供樓，但當買了樓又要反過來捍衛瘋狂的樓價。其實每個人來這世上，皆一無所有，地球亦沒收錢讓我們踐踏，是誰設計這地產遊戲讓『有瓦遮頭』變『豪宅天 下』？是人類自己的貪婪？ 我真的很不解，也很擔心。」

其實法拉講嘅道理簡單易明，好多香港人供樓係好辛苦，但當樓價升，大利當前，一樣又將間樓炒賣，推高樓價，雖然話地產霸權害死人，但有幾多香港人敢說自己不是幫兇？一間實用面積只有建築面積一半多些少嘅所謂「豪宅」，依然有大把人接貨，樓價又怎能不升?