矽谷到處係IT天才

2013年06月13日

【即時文摘】在香港爆料（左丁山）	606
建立時間: 0613 21:01

適中字型 較大字型

矽谷到處係IT天才。(蘋果日報)

美國29歲青年史諾登Edward Snowden向英國衞報及美國華盛頓郵報爆出驚天大秘密，一舉成名之餘，亦注定終生受美國政府追查，世界之大，無以為家。按道理，佢受美國保安顧問 Booz Allen Hamilton之聘，年薪七位數字（二十萬美元），在夏威夷工作，一般美國人視之為天堂生活，點解要拋棄一切預備以後一生受追緝，毅然向報紙爆料？史諾 登話係出於良心，不願生活在一個樣樣人民私隱盡被政府檢視監察嘅社會，呢樣左丁山肯相信美國本身，社會夠開放，人民自由慣咗，自小有個人自由大於政府監控 權利思想；生活及受教育於封閉、獨裁國家嘅人民，好可能以為史諾登係儍仔嚟。美國科技人才多到不可思議，莫講話矽谷到處係IT天才，而呢位史諾登，中學未 畢業，社區學院電腦課程還未讀完，竟可以從保安員晉身為CIA技術助理，再獲BAH僱用，認真唔簡單，亦證明在美國，真人才係可以出人頭地嘅。CIA請人 完全不睇學歷，只睇真材實料，好嘢啩！以呢位史諾登嘅學歷，香港邊度會有一個政府部門或大機構肯請佢做電腦技術人員呀。
最令世人驚奇，兼為香港面 上貼金嘅就係史諾登竟然揀咗香港做「爆料躲藏」第一站，五月二十日從夏威夷到達香港，住在美麗華酒店，跟住向衞報發放資料，「衞報」在六月五日發表報導， 成世界新聞。香港嘅新聞自由、言論自由、網絡自由以至上街示威，原來早已在史諾登心中留下深刻印象，來到香港之後接受「衞報」錄影訪問，全世界電視台播 出，幾令美國政府尷尬。美國要刑事調查史諾登，必然用盡方法引渡佢返回美國受審，而且佢自願將身份曝光，恐怕其他國家不願收留佢，唔肯俾佢入境噃。最後佢 會唔會走去深圳與奧巴馬總統嘅細佬殊途同歸呀？29歲青年能夠引發一連串國防、國家安全、私隱/個人自由、網絡監控等等21世紀獨有問題，觸及國家安全人 民私隱嘅衝突，確實具有特殊意義。