2013年06月21日
【本報訊】一個車廂百樣人，坐車最怕遇上缺德客！有調查訪問逾千名市民，歸納出缺德乘客「七宗罪」，市民最討厭垃圾蟲弄污座位；其次是剪指甲，起勁的「咔
咔咔」剪甲聲聽得人毛骨悚然，隔籬左右要打醒精神避開指甲屑；還有大聲談話罔顧他人安寧、情侶卿卿我我、化妝等惡行。
滋擾遭警告反罵人
香港研究協會於6月中，電話訪問了1,095名15歲或以上市民，結果83%市民表示最不能接受乘客在公共交通工具上棄置垃圾，認為是最不守公德的行為， 其餘依次為剪指甲、高聲講電話及談話、進食、行為親暱、不佩戴耳機看影片及化妝。乘客郭小姐向《爽報》指最討厭不佩戴耳機看影片的乘客，曾在港鐵 目擊女乘客因用手機看影片時太大聲，被鄰座男人警告，女方不認錯，反而罵人，認為她未有顧及旁人感受。乘客蔡小姐亦曾有不快遭遇，「有次返工時間搭地鐵， 車廂已經好逼，但個女仔仲唔停咁化妝，佢化妝嗰陣雙手會用多咗空間，令企隔離嘅人企得好唔舒服」。
指甲彈頸嚇怕司機
滋擾行為不但影響鄰座乘客，有時更會騷擾司機駕駛。任小巴司機逾20年的包先生稱，最怕乘客大聲談話，「大大聲講嘢，揸車梗係會分神，影響集中力，頂唔順 都會客氣啲叫佢細聲啲」，但他慨嘆只是部份乘客被警告後會收歛，有的則會反罵司機及乘客。的士小巴權益關注大聯盟主席黎銘洪聽過不少司機訴苦，剪指甲聲最嚇人，「最離譜一次，有個的士司機話揸揸吓車，覺得不停有嘢彈落條頸到，原來係後座個乘客係咁剪指甲」，指甲屑會四處飛彈，清洗過程亦非常嘔心，「指甲卡住喺地毯，拍都拍唔走，要挑番出嚟都幾核突」。
協會呼籲乘客多考慮他人感受及自律，為下一代及遊客樹立良好的社會公德形象。
市民有嘢講
《通常會啞忍》大專學生郭小姐
「最憎有乘客講嘢大聲，打機睇片又唔戴耳塞，但係通常都會啞忍。」
《化妝乞人憎》
文職蔡小姐
「喺車廂裏面化妝最乞人憎，尤其返、放工多人嗰陣最影響。」
文職蔡小姐
「喺車廂裏面化妝最乞人憎，尤其返、放工多人嗰陣最影響。」
《細路嘈擾人》
大專學生黃小姐
「最討厭小朋友喺車廂玩又嘈，父母唔理，撞倒人就仲滋擾。」
大專學生黃小姐
「最討厭小朋友喺車廂玩又嘈，父母唔理，撞倒人就仲滋擾。」
《打乞嚏怕怕》
燒味業郭先生
「最憎啲人搭車嗰陣打乞嚏，傳播細菌，見到一定會避開啲。」
燒味業郭先生
「最憎啲人搭車嗰陣打乞嚏，傳播細菌，見到一定會避開啲。」
沒有留言:
張貼留言