v 求偶App點醒港女 筍盤難求

2013年06月22日

求偶App點醒港女　筍盤難求

246,156

適中字型 較大字型

■利用「求偶大作戰」App，可以知道本港有異性符合自己擇偶的經濟條件。馬泉崇攝

【本報訊】乘着話題電視節目《求愛大作戰》之勢，有港男推出「求偶大作戰」App，初次約會者，如不便問對方「搵幾多」、但又急於評估對方是否「高收入筍盤」，這App或可派上用場。　
記者：盧勁業

這個App前日上架，昨日已升到App Store免費排行榜第11位，顯示大受歡迎。使用者只須輸入某人的性別、年齡、教育程度、職業、工作和居住地點、上班交通工具等資料，程式便會自動推算 「目標人物」的評分，並為總評分定出四級評語：「算罷啦」、「不過不失」、「可以認真考慮」和「食得唔食，罪大惡極」。

以人口普查數據預測

此App的兩位開發人之一杜振康（Leo）舉例說：一名32歲、大專畢業、在中西區居住和工作、每日坐的士上班的男會計師，「有六成機會拎3萬蚊人工以 上，加埋年齡仲後生，遇到呢類對象，有食唔食，罪大惡極」。不過，更重要的是按入「詳細」那頁，可估計對方的薪金水平，以及全港有多少同一「級數」的人； 據試用者評價，認為以行業計的薪金預測表現不俗。數據來自政府的2011年全港人口普查。
求偶App的另一位開發人、在金融界工作的博客「史兄」 說：「兩、三個月前，有個女仔講笑同我講，話佢做律師嘅家姐同姐夫成日講：「『搵男朋友一定要大學生、6萬蚊人工以上，仲要差唔多年紀，唔好搵阿叔；搵唔 到嘅話寧願單身仲好。』於是我搵方法話畀佢聽，要搵個咁嘅男仔係天方夜譚。」他隨即翻查人口普查資料，「全港同佢差唔多年紀嘅男仔（25至29歲），又有 份工嘅有成20萬人；不過大學畢業一個月搵六萬蚊嘅，全港得3,000幾個，佔20萬嘅1.6％。仲有呢3,000人係包括未婚同已婚嘅人」。最後他將統 計處的資料整理成Excel表，放上博客供網友試玩，大受歡迎。

■求偶App開發者之一Leo。

坐的士返工多屬筍盤

要辨別「筍盤」，史兄分析資料後指，「最緊要係睇佢坐乜嘢交通工具返工，如果係坐的士，呢個人好大機會係『筍盤』」；其次是工作和居住地點，「喺新市鎮返 工比較細機會係有錢人；住中西區一帶，係有錢人嘅機會就比較高」。他表示，只要不介意年紀大，45歲以上大學畢業生，「有三至四成每月搵6萬蚊以上」。
但史兄補充：「要搵個人過世，薪金並非唯一指標。」兩情相悅，未必在乎經濟能力和年齡；但這App「可以畀你計吓自己值幾多分，亦俾你知道，要搵到你心目中對象係咪不切實際」。該App現只有iPhone適用的iOS版本，可在App Store下載。
史 兄現年30多歲，10多年前開始寫Blog，主要撰寫男女關係及辦公室笑話，曾寫過一篇有關婚宴的〈人情計算機方程式〉被熱傳。同屬八十後年輕人的 Leo，負責把史兄的Excel表變成App，Leo擁有程式開發公司，曾開發熱門的、供市民尋找廁所的「衝廁」App。

「求偶大作戰」評分類別

0-49分：算罷啦
50-64分：不過不失
65-79分：可以認真考慮
80分或以上：食得唔食　罪大惡極

資料來源：開發者

港男試玩

40.6分　算罷啦

Ken（見習律師）：
「都係唔準，唔止呢個人工，計少咗好多。」

47分　算罷啦

Ben（中學教師）：
「唔準，低估咗人工。」

67分　可以認真考慮

Terence（資訊科技人員）：
「我覺得都可以吖，但係如果多啲option揀會好啲。」

69.1分　可以認真考慮

孫柏文（資訊及通訊業）：
「我梗係值100分啦！呢個App唔係好準囉！」

73分　可以認真考慮

Edward（中學教師）：
「望落去都準嘅，可能年紀大嘅男仔有優勢。」

港女又試玩

33.9分

林小姐（從事教育工作）：
「會下載玩吓，有啲都幾準，同我男朋友既資料差唔多！」

41分

黃小姐（學生）：
「我覺得個App麻麻地準，都係半信半疑，當玩吓囉。」

62.1分

張暖雅（模特兒）：
「估唔到自己得62.1分，本來覺得自己幾獨特，應該有80分！」