2013年06月17日
當年50萬人的足印，一半來自中產，也總有一個負資產。那年香港業主會首次動員上街，會長佘慶雲仍記得中產師奶放棄竹戰也要遊行的民怨沸騰，「一日接十幾
個電話叫上街」；十年後，樓價飆升數倍，當年大聲疾呼董建華落台，換成今天「長毛收錢遊行」的反智。他說，昔日中產群情洶湧，號召上街，「唔好意思，呢咁
多年我都未見過」。
■佘慶雲03年帶同當時七歲的兒子參加7.1遊行。
「佢哋只要表面好」
香港業主會03年聯同負資產大聯盟和夾屋大聯盟宣佈參與7.1遊行。佘慶雲說，當年中產上街反23條立法，聲討庸官，「怨氣好重」，但主因始終是經濟差， 「觸動好多人神經」，包括超過十萬負資產。他記得，有教師夫婦97年以280萬元購入沙田第一城一個單位，沙士時跌至100萬元，「賣樓都唔掂」。當 年經濟崩潰，佘慶雲也資不抵債，「有開支冇收入，仲要賣樓填數」。03年7.1，他帶着七歲兒子遊行；那對教師夫婦也隨教協上街；翌年7.1，三大業主會 再次聯手動員，也是最後一次。佘慶雲指「中產係唔喊嘅BB」，甚少過問政治，「（佢哋）只要表面好，富貴就得，坦白講係好自私」。
50萬人上街 後，中央開放自由行，樓價至今已超越97年顛峯，青衣灝景灣03年呎價跌破3,000元，現時要逾萬元；天水圍嘉湖山莊一個逾700呎單位叫價360萬 元，是沙士時的三倍。樓價升，業主笑，佘慶雲坦言：「你要呢啲業主好似當年咁上街，好困難，呢個係事實，亦都係現實。」
這十年來，他看見中產兩極 化，「拉布係有政治目的」、「畀兩嚿水長毛（梁國雄）就會幫你遊行」，這些聲音他聽過不少，很感觸但更覺反智，「今日香港人嘅特點係忘記歷史，最緊要有冇 着數，覺得𠵱家幾好，欣欣向榮，講咁多舊時做乜」。另一端就像戴耀廷、陳健民那樣挺身而出，繼續為民主發聲，為公義奮鬥，繼續受打壓。今年7.1，他依 舊飲完茶再上街，但對這個倒行逆施的政府再無訴求，「只想話畀政府聽，對你嘅政策好不滿，你檢討吓啦」。
沒有留言:
張貼留言