v 梁家傑指23條隨時重臨： 港蛙要水滾前跳出來

2013年06月20日

梁家傑指23條隨時重臨：港蛙要水滾前跳出來

4,681

適中字型 較大字型

■梁家傑02年11月以大律師公會主席身份，為反對23條惡法在立法會聽證會舌戰保皇黨。黃賢創攝

【本報訊】回望十個7.1，香港人先後反過23條、替補機制、版權修訂條例等三大惡法。03年政府硬推23條時，時任大律師公會主席的梁家傑，已警示市民 要慎防政府「溫水煮蛙」。那一年，他有份喚醒50萬「港蛙」上街。十年過去，梁家傑認為，梁振英比葉劉淑儀更「精忠報國」，23條惡法隨時重臨。「溫水被 煮緊嗰隻蛙，現時係時候醒覺，喺煲水煮滾前跳出來」。
記者：林俊謙　麥志榮

梁家傑04年決定參選立法會，自此在九龍東連任至今，回想從政轉捩點，是03年7月9日的慶祝反23條惡法成功的集會。「當日一上到台，司儀毛孟靜就問台 下5.5萬人，梁家傑參選立法會好唔好？就係嗰日，改變咗我一生」。去年參選立法會期間，有街坊勸他放棄，不要跟共產黨鬥，梁家傑聞言後笑笑，不為所動， 「香港係我屋企，現在仲有機會、有空間為我哋相信嘅價值同制度去出力、去捍衞，我冇理由唔做」。

【2003年　反23條】

政府捍衞法治得把口

03年，梁家傑以大律師公會主席的身份，公開呼籲港人要警惕法律淪為政府統治工具。十年過去，他看到政府對捍衞法治「只得把口」，包括《截取通訊及監察院 條例》，當年民主派力主修訂，卻遭保皇派全數反對。《公安條例》已劣化成警方打壓異己、「延後檢控」的工具。
還有剝奪立法會議員補選權的替補惡 法，梁家傑說：「我有強烈感覺，係我03年不幸言中咗。」他續稱，要改善現狀，香港人惟有自救，「我希望我十年前所講溫水裏面被煮緊嗰隻蛙，現時係時候醒 覺，喺煲水煮滾前跳出來，今年7.1要再行出來」。

CY賴死香港冇得翻身

對比腳痛落台的「廢董」董建華，及至今被廉署調查的「貪曾」曾蔭權，梁家傑認為，靠中聯辦力谷上位的「紅色專業人士」梁振英上台後，香港的民主、法治和民 生發展都更令人絕望，「梁振英將好大部份專業、中產同基層都推向對立面，仲要連商界都推向對立面，我真係唔知佢可以捱幾耐，我覺得佢早走早着，因為如果梁 振英仲喺度霸住個位，阻住地球轉，香港只有沉淪，冇得翻身」。
梁家傑眼中，梁振英比葉劉淑儀更「精忠報國」，「睇梁振英施政十個月，我絕對相信唐 英年話佢當年曾經喺行會話香港終有一日出動防暴隊同催淚彈，佢任內會硬推23條惡法」。他認為，香港人一定要比03年更提高警惕，「如果放軟手腳認命，以 為7.1唔行出來冇所謂，呢個政府只會更公然赤化香港」。