v 由維園去中環 不要再聽廢話與謊言 為普選為倒梁 7.1再上街

2013年06月17日

由維園去中環　不要再聽廢話與謊言為普選為倒梁　7.1再上街

54,541

適中字型 較大字型

■03年7.1遊行，50萬人上街反對23條惡法。

萬千足印鋪滿軒尼詩道，你和我踏破鐵鞋，嘗試越過香港困局這座大山。03年七一驚雷，從維園響徹中環，再傳到2013年的門常開。
「早晨！早晨！」「我會做好呢份工！」「記憶中我冇講過我冇僭建！」廢話與謊言像烏雲般壓着維港，瘟疫遠去，我城卻病入膏肓，普選死線一再押後。
十年前怒吼的醫生、十年後失去耐性的中產；十年前的負資產、十年後的劏房戶，今年七一，他們惶惑地咬緊牙根，仍然是不認命，決定再次走上街頭，為普選、為倒梁，繼續走下去。本報從今日起，回顧十年7.1大遊行。
記者：陳沛冰　王家文　白　琳

■賴偉達

醫生救香港拒移民

十年前沙士、23條、庸官激起民憤，醫生賴偉達與逾50萬人一起，以汗水及腳步表明不滿政府；十年後，香港生活環境變差，人權自由收窄，普選路晦暗不明， 他仍不願移民，只因「香港係我屋企」。今年7.1，他考慮再次走上街頭，爭取真普選，「如果冇普選，死都唔甘心」。
39歲外科專科醫生賴偉達，對03年參加7.1遊行記憶猶新，「當年不滿政府解決唔到民生問題，冇好政策，又唔聽民意，醫生同工唔同酬，有啲憤怒」。
賴偉達說：「政府冇方向，係因為非民選政府唔需要方向，特首同局長只係打份工，只要捱多幾年就得，唔需要對市民有承諾。」03及04年7.1逾50萬人上街，迫使董建華05年下台，之後每年7.1都有大批市民堅持遊行；特首梁振英去年上台，更有40萬人上街抗議。
他表示，7.1遊行已是香港民主運動的icon，意義深遠，令港人知道要勇於走上街頭，爭取人權自由。可惜十年過去，中央及特區政府都只想推行假普選，愚弄港人。
「香港人係冇人權，連最基本去選擇自己政府嘅權利都冇，有時都會絕望。」更令賴反感的，是政府逐步收窄言論自由，「政府好多地方都控制咗，有人反對佢，就會抹黑人、拉人，全部都係恐嚇。」

■多名醫生03年上街，要求政府徹查沙士事件。

「冇普選死都唔甘心」

賴偉達說，過去十年香港生活環境越來越差。中產的他還有能力「睇餸食飯」，「買唔起1,000呎嘅樓就買細啲」，但基層市民卻被迫入死胡同。「失業率係 低，但係市民收入追唔上樓價，公屋又唔夠，逼人租貴樓，窮人老人福利冇改善」。惟有公營醫療有小許改善，但病人輪候時間仍很長，多年來醫療融資計劃都無疾 而終。
數年前不少公營醫生感到工作沒前景，到新加坡發展，但賴偉達從沒此念頭，「香港係我屋企，我鍾意香港，冇諗過離開」。今年7.1他考慮再上 街，「佢（特首）唔係我阿爸阿媽，唔應該冇得揀，佢只不過係幫香港打工，老闆係香港市民，唔係共產黨。如果冇普選，死都唔甘心」。