2013年04月08日
【本報訊】中央拒予港人真普選，更貶低外國的民主進程。中聯辦宣傳文體部部長郝鐵川日前在一個座談會上，狂踩港英政府沒有給予香港民主，又指英、美、法等
地普選進程長達至少百幾年，死撐香港2017年普選特首不算遲。研究國際政治的公民黨陳家洛怒斥郝鐵川「貶英褒中」，顯然刻意堆砌理由撐假普選，稱特區明
明早在07年已應該普選，批評郝講「風涼話」。
稱外國普選進程需百年
中通社報道，郝鐵川近日以上海華東政法大學兼職教授及香港樹仁大學客座教授身份，應邀與一班大學生舉行座談會，談及香港普選問題時向學生洗腦，狂踩港英沒 有給予香港民主，中央才有紮實推行普選的決心：「港英時期向來蔑視香港同胞的民主權利，而中華人民共和國向來支持香港同胞推進民主。」他又極具針對性地指：「中國提出要收回香港後，英國就在香港搞激進民主，企圖給回歸後的香港政治穩定製造麻煩。」
與此同時，郝更指外國的普選進程更長更慢，硬指英國、美國及法國都至少用百幾二百年才實行普選，指97年回歸的香港，若能2017年普選特首，「難道（時間）算慢嗎？」
不過，郝鐵川卻隱瞞了全國人大常委會曾在2004年釋法，否決香港可以在07及08年實行雙普選的史實，卻指中央有紮實在港推行民主的決心及誠意。
本 身是浸會大學政治及國際關係學系副教授的公民黨陳家洛稱，無論英國有否決心在港落實民主，既然香港已經回歸中國，是中國一部份，「中國喺香港普選問題上就 應該更積極、做得更好，唔係不停製造新關卡，阻礙落實真普選，令香港人憤怒，增加社會不穩定因素」。
陳家洛斥郝講「風涼話」
陳家洛直指郝鐵川的言論十分可笑，只是堆砌各種理由撐假普選，反駁稱：「早喺07年、08年，香港就已經應該落實雙普選啦，拖到2017、2020年都仲 要設關卡，郝鐵川好似講緊風涼話。」梁愛詩恫嚇勿選不愛國特首
【本報訊】繼前港區人大代表吳康民警告港人，2017年特首「（唔係）香港想選乜人就乜人」後；身兼基本法委員會副主任的梁愛詩昨接力，「恐嚇」市民若 「愚蠢地」選出不愛國愛港人士任特首，切勿埋怨中央最終反應。真普選聯盟怒斥梁愛詩「侮辱」港人，批評中央不信任港人。梁愛詩昨出席商台節目時為 假普選護航，稱就算特區普選特首時加設條件，亦不代表違反國際公約：「我哋有規定成年人可以選舉、精神有毛病嘅人唔可以，所以限制係可以有，但限制係唔可 以不合理。」梁續指，特首需要「愛國愛港」和「不與中央對抗」是顯淺道理，繼而語帶「恐嚇」指，若選出不符以上兩條件的人做特首，別怪中央的最終反應，即 中央不會順應港人民意進行任命。
她指出：「我哋點解會選一個人出嚟，係唔愛國、唔愛港，又同中央對抗㗎呢？如果我哋真係蠢到咁樣，真係要選個咁樣嘅人出嚟，亦唔好怪中央嘅反應係點樣，如果真係做啲嘢出嚟係咁反常，亦都無得怨啦。」
梁 愛詩更死撐中央其實不想插手特區事情，但不代表不會管：「鄧小平亦講過，唔好以為唔管就係最好嘅嘢，如果引起動亂，對香港有損害，對國家有損害，唔通仲唔 管咩？」她稱民主並非一步登天，即使政改方案也非十全十美，指2017普選並非終點，又指佔領中環行動或會擾亂社會秩序。
梁家傑：乜都中央講晒
真普選聯盟召集人鄭宇碩對於梁愛詩的言論感憤怒，質疑曾任律政司司長的梁愛詩欠缺"Common sense"：「（她暗示）市民愚蠢到咁，所以我哋同你包辦，我搞掂佢。老實講，呢個係對700萬辛勞工作嘅港人嘅一種侮辱。」他續言：「所有呢種言論，反映一個好基本嘅事實，就係（中央）唔相信人民！佢就係話你唔識揀，你哋會揀錯，於是我同你揀埋！」他指港人在普選問題上從未想過一步登天，事實是港人已等得太久。
公民黨黨魁梁家傑也批評北京在普選問題上沒有邏輯，京官一時說相信港人會選愛國愛港人士做特首，一時又透過梁愛詩、吳康民等人放話，指中央擔心與其對抗的人當選特首，「乜都中央講晒」。
沒有留言:
張貼留言