村民賀明月山執笠

2013年04月22日

隔牆有耳： 開P慶祝　村民賀明月山執笠

16,502

適中字型 較大字型

■新圍村村民拉起橫額，慶祝明月山終極敗訴。

位於元朗新圍村嘅違規私營骨灰龕場明月山今個月中終極敗訴，面臨執笠。新圍村噚日就喺村內嘅榕樹頭舉行祝捷會慶祝，有40幾個村民出席；過去曾幫過班村民 向政府反映問題嘅前立法會議員陳淑莊Tanya同黃成智，都有獲邀出席，但Tanya因為黨友徐國峰去世心情低落，最終無赴會。
新圍村村民周振勤 話呀，噚日出席祝捷會嘅村民都好關心明月山敗訴後，會有乜嘢新發展。據佢了解，明月山所屬嘅公司有興趣將龕場位處嗰幾幅地，改建成住宅，村民對於新住客由 「死人」變成「生人」，表示歡迎，至少唔使再怕春秋二祭有太多人嚟拜山，影響村內環境。