2013年01月20日

金舖街逼走文具老店　業主狂加租六萬「自由行生意先做得住」

75,968

適中字型 較大字型

■業主狂加租，在荃灣開業29年的中南文具本月底被迫結業。黃耀興攝

【本報訊】又一街坊老店在地產霸權下被迫消失。在荃灣經營近30載的中南文具公司因業主大幅加租，老闆宣佈投降，決定本月底結業。他慨嘆，天價租金下，不 只容不下僅賺微利的文具店，荃灣很多小店也捱不住，「金舖、藥房、連鎖店或者做自由行嘅生意先做得住」。
記者：張文傑

中南位於眾安街，店舖四周早被多間金舖、連鎖電器店、大藥房、化妝品店進佔，附近幾條街道數年前被打造成金舖街，作為招徠自由行的消費地標。中南老闆魏先 生表示，去年11月商討續租時，業主提出加租，「加1、2萬都有得諗，但係加5、6萬，月租接近10萬，就只有結業」。他指售價9元的賀年卡，售出一張約 賺4成，即3.6元，「利潤幾乎畀晒租金，但一日可賣幾多張？」

老街坊依依不捨

1984年中南原先在川龍街開業，1995年遷至眾安街經營至今，今次卻要永別。魏先生稱，樓上舖租金較便宜，但文具店有大量紙品，搬貨困難，「街尾啲地 舖平租啲，但有人租緊，附近都係咁貴租；本來諗住做多10年，70歲左右先退休，𠵱家提早啦」。
魏先生的長女及二女多年來一直在店舖幫手，將要 重新找工作的二女笑說，小時讀書從不缺文具，喜歡來店舖「執頭執尾」，她記得90年代每逢開學店內人頭湧湧，「好多人買打字機、畫圖工具」。自結業消息傳 出，附近福來邨、三陂坊等老街坊也來問個究竟，「問搬去邊呀？留低個聯絡電話啦。」魏先生說，很多顧客「由細睇到大」，心情依依不捨。
老街坊余先生現居馬鞍山，昨日特意回來購買墨水筆筆心，「好可惜，冇計呀，業主狂加租，呢啲文具店買少見少」。老街坊高先生望着門外「租約期滿」四個大字慨嘆，「荃灣變晒，以前啲細路成日嚟㗎，唉！𠵱家除非係自己舖啦，否則一定釘」。

瀕絕迹打字機變收藏品

4,118

適中字型 較大字型

■中南文具「三寶」在連鎖文具店難以找到。

【鎮店三寶】
店內「三寶」包括快將絕迹的打字機、雕刻印刷用鐵筆及繪圖工具套裝，市面已難找到。
店 主二女指10多年前，開學前每日賣出6、7部打字機，「以前賣700蚊一部，本來剩番兩部，之前有客人買咗部用嚟收藏，𠵱家得番一部，特價200蚊」。 而售價880元的繪圖工具套裝，內有水筆、角尺等，以前是讀設計的學生必備，但電腦繒圖普及後已乏人問津。老闆魏先生說店內最古老的文具是70年代常用的 雕刻鐵筆，一套55元。以前未有影印機，要用鐵筆在鐵板上刻字，再用油墨複刷。