環保遮王 晴天雨天藝術天

環保遮王　晴天雨天藝術天
2013.01.11

 

蓄着大鬍子的傘王邱耀威，活像一個老頑童。　黃耀興攝

在 北河街街尾，有一個人不論晴天雨天，總拿着雨遮又開又合，手舞足蹈，「我唔係賣藝，我係賣遮嘅藝術家」。人稱傘王的邱耀威，是百年街坊老店新藝城的老闆， 賣遮補遮為業，但他自居第一代環保手作王：用爛遮骨做隻白紋伊蚊掛在舖面；隨手拿個廁紙筒和廣告傳單造個金魚走馬燈，「舖頭冇地方養魚，我就摺條識飛天嘅 魚，唔使換水，魚糧都慳番。」一臉得戚。威哥，你係得嘅。　　記者：呂麗嬋

深 水埗是本港數一數二的貧窮地區，偏偏在這裏打滾逾半世紀的邱老闆，日日「食咗蓮子蓉咁嘅樣」，「個樣開心啲，運氣都好啲。」蓄着大鬍子的威哥笑着說。小小 店舖驟看與普通賣傘的小店無異，但看看招牌，寫着「清道光二十二年創」（1842 年），威哥正是第五代傳人。「喺呢條街大，我間舖開足七日，同啲街坊吹吓水，做吓手作補吓遮，唔知幾爽！」
不足百呎的小店總擠滿人，一時有街坊拿 着彈弓遮問「有冇得整」；一時又有師奶粉絲行過，向他抱怨豬肉價狂升。好不容易街坊散去，活像老頑童的威哥又拉着記者周街行，逐件介紹他的土炮手作，「呢 件叫戰爭與和平，上面係蛇同鷹，下面係花同蝴蝶；蛇同鷹係天敵，花靠蝴蝶傳播花粉。大家都為生存，就好似現實人生，有人打生打死，有人和平共處互相依附， 睇你點揀」。

勿將自己看得太重

半生守着小店，威哥自有一套生活哲學，他自言讀書不多，就是為搵食，做了「哎吔老闆」，一雙巧手也沒閒着，有時技癢，拿「垃圾」做手作，雨傘店成了其藝術展場：用傘骨屈曲成少女造型的天瓶裝飾、掛在店外的白紋伊蚊和蜻蜓、全部就地取材，卻又創意無限。
「有遊客睇中咗我嘅白紋伊蚊，出價200美金，我點都唔賣，我嘅作品只會做一件，藝術家係咁㗎喎！」說時露出招牌笑容，鬍子跟着笑。問威哥為何經常這樣開心，老頑童這樣回答：「藝術人人都要識，我話叫偽術就最啱，做人三分假七分真就好，唔好睇得咁重，做人都開心啲。

現代楊過補破傘念情人

現代人甚麼都快，長情是上一代的產物，偏偏替人補遮的威哥，卻見過不少「現代楊過」，「試過有個後生仔攞咗把垃圾遮嚟維修，四條遮骨斷晒，單係換遮骨要80蚊，我話20蚊買過把好過，但佢堅持要換，話失戀，把遮有佢同女朋友嘅開心回憶」。
除了楊過，他還遇過一對長情老夫婦。「把遮好爛，我話冇得整，個女人好失望，佢老公話把遮係佢送畀太太嘅第一份禮物，咁鬼情深，整番冇收佢哋錢」。修補數十元的雨傘，有人為環保，更多人為了一份感情。「整好一把遮，將垃圾變返有用嘅嘢，好有滿足感」。

港台《黃金歲月》「老店．人情」將於1月13日（星期日）晚上7時30分於亞視本港台播映；港台網站http://tv.rthk.hk同步直播。