亂港有功 熊狼地標為記

2013年02月01日

門常開：亂港有功　熊狼地標為記

28,091

適中字型 較大字型

庫房水浸，公帑多到唔知點使好，於是向18個區議會撥款三億元，搞啲小型工程浪費下納稅人?錢。其中部份撥款就用嚟起咗啲地標，例如深井嘅核突鵝、佐敦嘅 怪玉等等，嚟緊仲會使多百幾萬喺旺角起座似棺材?戒指，街坊好不安。撥咗出去嘅款項，就係潑咗出去嘅水，覆水難收，朋友話既然米已成炊，不如搞好個地標工 程，仲託吳爽向有關方面建議新地標，大家睇吓like唔like。

西環：豺狼

紀念2012年7月1日狼來了，放喺西環，因為相傳隻狼係由西環背後操縱推舉出嚟嘅。

ifc天台：灰熊

紀念2013年大灰熊爆陰毒，教曉范徐麗泰政治係好黑暗嘅，安裝喺ifc天台，係因為灰熊曾經公開賭命，如果佢通過唔到測謊機，就會喺ifc跳樓以謝天 下。

北區：乳牛

紀念近年上水越嚟越旺嘅奶粉水貨客，佢哋係香港經濟繁榮嘅不二功臣，冇咗佢哋，香港早就完蛋了。

九龍塘：戇豬

紀念2012年一場豬狼對決中，捍衞香港核心價值功敗垂成嘅戇直?豬。人僭建佢僭建，人哋冚得密密實實，佢嘅約道地下皇宮就俾人揚晒出嚟，人民係唔會忘記佢嘅敦厚謙讓。