2013年06月11日
「這個地方可能會記載在香港的歷史，是佔領中環的會議地點。」佔中發起人戴耀廷這麼說。100多年前，革命志士聚集中環輔仁文社，高談政事，成為中國推翻
帝制的祕密基地；100多年後，佔領中環蓄勢待發，這片地可能再次成為改變歷史的舞台。同樣在中環，5月最後的Happy
Friday，蘭桂坊樓上一個又小又窄的辦公室內，戴耀廷正不厭其煩地講述佔中的意義。環顧座上客，不少是穿西裝的中環人，包括錢志健，首批佔中死士之
一，也是這個辦公室的主人、享負盛名的對沖基金經理，中環「陀地」竟然佔領中環，誰說抗爭搞手都沒有甚麼可輸？ 記者：中環特工隊
影響工作 為稚子爭普選
錢志健在財經界名氣很大，無論開口或執筆，一字一句都是財經語言。記者翻查紀錄，直至去年初，他的專欄文章才首次出現「普選」兩個字。他參加過六四集會， 是20多年前的事，那時在加拿大；七一遊行，10年前去過；五區公投，他未能奉陪。真正熱衷社運由去年開始，他醒覺香港不能無普選，於是參與多個遊行，大 開眼界。為何人到45歲才走出來？「兩年前我收養咗個小朋友，𠵱家佢兩歲幾。到2047年，若佢喺香港生活，希望呢度係一個公義嘅城巿」。自言未賺夠上岸，目前為富裕家族管理基金，哪個家族就不便透露。不怕佔中影響工作？「影響緊啦，影響緊……」他苦笑着連說五次，欲言又止，還是說：「佢（家族基金方面的人）留意到我參加緊呢樣嘢，佢哋會再評估。」
經 濟學家雷鼎鳴預計，佔領中環將令香港每日損失16億元。由每天對着數字操盤的錢志健擔任佔中死士，看來有點弔詭，「佢（雷）係理論派，我係實戰派，我唔覺 得佔領中環一日可以影響二級巿場（證券發行後買賣的虛擬巿場）。𠵱家都已轉晒做電子買賣，返唔到公司，唔會做唔到嘢。但我尊重佢嘅言論自由，等於我尊重 愛港之聲嘅言論自由一樣」。
新一代輸在溝通線上
一位出席「佔領蘭桂坊」的金融界朋友說，想不到錢志健會走出來：「金融圈啲人唔理呢啲嘢，因為紙醉金迷。」錢志健在旁苦笑，說社會沒有公義，金融人未來也 不好過，今夕普選歸故土，他朝banker也相同，「中資機構越來越多，高層全部係大陸人，香港人只能做永遠嘅中層……八十、九十後，甚至千禧後，未來冇 運行。中資行好講關係，香港人邊有嗰啲權貴嘅connection？」新一代即使贏在起跑線，也會輸在溝通線。「我識得啲喺中資金融業從事監管部 門嘅人，有同事會同佢講：『你同我搞掂佢！』喂，乜嘢叫做搞掂佢？」錢自言不知道「搞掂」甚麼，估計是違規問題，「一定唔方好嘢！」他又說：「每逢立法 會、區議會選舉，公司（中資機構）會發電郵畀員工，叫佢哋支持建制派候選人。你話呢啲嘢有幾公義？」
六四鎮壓後，梁振英刊登聲明譴責中共，三年後 在多倫多電台工作的錢志健來港訪問他，滿以為此人熱血仍在，「我問佢對六四嘅睇法，我期望佢會講呢件係好傷痛嘅事，但佢冇乜傷痛，唔傷痛，跟住就講國家嘅 經濟係點，完全係答非所問」，原來20年前CY的語言偽術已熟練到家。
最壞打算「個仔見我坐監」
錢志健加入佔中敢死隊，不是透過社運人士網絡，而是透過《壹週刊》記者。他看過雜誌上戴耀廷的專訪，透過記者約他在中環置地咖啡室見面。「我將聲譽押上， 叫人嚟（蘭桂坊）聽呢樣嘢，當中有人喺國際金融機構工作。參與（佔中）嘅專業人士，可能要承受冇咗個律師牌、金融、保險機構牌照，但呢個係更高層次嘅抗 爭」。有人潑冷水？「有，有個做建築生意嘅人同我講：『Edward哥，你死你事，唔好阻到我搵食！』我叫佢月尾嚟蘭桂坊，聽吓先啦！」按戴耀廷 的文章，佔中是最後手段，若對手願意回談判桌討論落實真普選具體措施，行動就會結束。於此，錢志健對中央抱有美麗遐想，他覺得未必會走到佔中這步，「香港 式大革命？我覺得做唔到，但（過程）喚醒好多人」。假若佔中勢在必行，他會否加入街頭抗爭，按計劃站出來堵塞中環交通要道？「我會！」有心理準備面對胡椒 噴霧？「唔會，我都唔會反抗。𠵱家去到明年7月，結果難料。曾偉雄（警務處處長）𠵱家唔係捉嗰啲file幾呎厚、頭髮蓬鬆嘅人，而係捉一個女律師（陳 玉峰），社會已有好多聲音」。
有何最壞打算？「我個仔見到我去坐監！」身兼監獄傳道人的他說：「香港監獄最多只能容納10,000人（實際約數為12,000人），如果突然有10萬個人去自首，監倉都容納唔到。」
沒有留言:
張貼留言