誰還會為當初移民後悔？
2013-8-31 8:41:28
寫這篇文既時候，剛從電視睇到有關警方批準團體到林老師學校門前集會既新聞。只係覺得，呢班友，好討厭；而香港人，則好可憐。
你好唔妥林老師，你即使變態到要覺得講粗口既人應該要俾人用石頭擲死，Fine，每個人都有自己既諗法，大家都冇權干涉。但係要開批鬥大會，香港有好多地方可以揀，點解要揀響學校門口？點解要揀響開課後，學生要返學既日子？
可唔可以俾班學生，安安落落咁返學？
有些事情，真係夠啦。
*****
我中學後期既時候，就被送咗去外國讀書，當時身邊有好多朋友，都係香港移民。一九八九年所發生既事，讓無數既中產同香港精英為之震驚，移民潮就響之後果幾年發生。有朋友問過一個問題：「當年呢班選擇移民既人當中，到底有幾多個到頭嚟係覺得後悔既呢？」
從我身邊既朋友嚟講，後悔既人，其實唔多的。而表示後悔既人，主要分兩種。第一種，係後悔當年既離開，讓佢地miss咗股樓狂升既十年。佢地之所以後悔， 完全係經濟理由：如果佢地當年唔走，唔賣股賣樓，佢地今日既身家，可能多幾倍。好多命理學家話，一生人食幾多著幾多搵幾多，其實早就有安排。呢個講法，對 呢班人嚟講，體會至深。
另一種覺得後悔既人，係因為移民而陪上了家庭。當年好common既一個詞語，叫做「太空人」。即係一家人移民，媽媽同子女過去外國居住，而家中既經濟支 柱爸爸，則留守香港繼續搵錢，只靠閒時放假，飛去探望家人。小別勝新婚，大別則似離婚；寂寞難耐，呢個分隔兩地既移民安排，當年不知拆散咗幾多個家庭。為 咗一本護照，陪上家庭，自然帶來無限既悔咎。
回歸頭幾年，曾經聽過有唔少朋友，恥笑當年走咗去移民既人on居，笑佢地杞人憂天，結果係虛驚一場。八九年六月之後，香港有好多人，真係好驚好驚的。佢地 害怕九七年七月，政權移交之後，香港會一夜變天。結果變天「似乎」並冇發生到，加上大陸既經濟發展亦越黎越勁，各大城市表面個殼亦執靚咗唔少，於是天真既 香港人，真係開始相信，九七年，政權移交，原來真係冇咩事發生。
政權移交冇耐，我就大學畢業了。好似我呢亭從香港來既留學生，當時有唔少都係，一讀完書，就像九秒九般仆返香港的。十六年前，我地係真心相信，香港呢個地方，係有機會，亦有希望的。
當然，當日年輕既我地，太天真了。
*****
如果今日做一次survey，問一問九七年前選擇了移民既人，當中有幾多會覺得後悔呢？我估，呢個結果，同十六年前相比，會有讓人震驚既分別。
十六年間，有好多評論人用過「溫水煮蛙」呢個詞語去形容香港既情況。過去既一年，移民離開香港既人，創咗近年新高，大概要「多謝」今屆政府，將水溫既加熱速度忽然以倍數加速。現在既呢個水溫，大概以經唔係每隻青蛙都受得住了。
當年移了民既人，今日大概會感恩，自己手上仍然留有一條後路。
香港移民響西方社會，無疑係二等公民。但我心裡有個疑問：今時今刻既香港人，活在自己既土地上面，響當權者既眼裡面，我地其實又屬於第幾等？
響佢地既眼裡面，我們都只是夥棋子吧。
又或者，根本連棋子都不如。
祝大家有個愉快既週末。
連結：人在中環
你好唔妥林老師，你即使變態到要覺得講粗口既人應該要俾人用石頭擲死，Fine，每個人都有自己既諗法，大家都冇權干涉。但係要開批鬥大會，香港有好多地方可以揀，點解要揀響學校門口？點解要揀響開課後，學生要返學既日子？
可唔可以俾班學生，安安落落咁返學？
有些事情，真係夠啦。
*****
我中學後期既時候，就被送咗去外國讀書，當時身邊有好多朋友，都係香港移民。一九八九年所發生既事，讓無數既中產同香港精英為之震驚，移民潮就響之後果幾年發生。有朋友問過一個問題：「當年呢班選擇移民既人當中，到底有幾多個到頭嚟係覺得後悔既呢？」
從我身邊既朋友嚟講，後悔既人，其實唔多的。而表示後悔既人，主要分兩種。第一種，係後悔當年既離開，讓佢地miss咗股樓狂升既十年。佢地之所以後悔， 完全係經濟理由：如果佢地當年唔走，唔賣股賣樓，佢地今日既身家，可能多幾倍。好多命理學家話，一生人食幾多著幾多搵幾多，其實早就有安排。呢個講法，對 呢班人嚟講，體會至深。
另一種覺得後悔既人，係因為移民而陪上了家庭。當年好common既一個詞語，叫做「太空人」。即係一家人移民，媽媽同子女過去外國居住，而家中既經濟支 柱爸爸，則留守香港繼續搵錢，只靠閒時放假，飛去探望家人。小別勝新婚，大別則似離婚；寂寞難耐，呢個分隔兩地既移民安排，當年不知拆散咗幾多個家庭。為 咗一本護照，陪上家庭，自然帶來無限既悔咎。
回歸頭幾年，曾經聽過有唔少朋友，恥笑當年走咗去移民既人on居，笑佢地杞人憂天，結果係虛驚一場。八九年六月之後，香港有好多人，真係好驚好驚的。佢地 害怕九七年七月，政權移交之後，香港會一夜變天。結果變天「似乎」並冇發生到，加上大陸既經濟發展亦越黎越勁，各大城市表面個殼亦執靚咗唔少，於是天真既 香港人，真係開始相信，九七年，政權移交，原來真係冇咩事發生。
政權移交冇耐，我就大學畢業了。好似我呢亭從香港來既留學生，當時有唔少都係，一讀完書，就像九秒九般仆返香港的。十六年前，我地係真心相信，香港呢個地方，係有機會，亦有希望的。
當然，當日年輕既我地，太天真了。
*****
如果今日做一次survey，問一問九七年前選擇了移民既人，當中有幾多會覺得後悔呢？我估，呢個結果，同十六年前相比，會有讓人震驚既分別。
十六年間，有好多評論人用過「溫水煮蛙」呢個詞語去形容香港既情況。過去既一年，移民離開香港既人，創咗近年新高，大概要「多謝」今屆政府，將水溫既加熱速度忽然以倍數加速。現在既呢個水溫，大概以經唔係每隻青蛙都受得住了。
當年移了民既人，今日大概會感恩，自己手上仍然留有一條後路。
香港移民響西方社會，無疑係二等公民。但我心裡有個疑問：今時今刻既香港人，活在自己既土地上面，響當權者既眼裡面，我地其實又屬於第幾等？
響佢地既眼裡面，我們都只是夥棋子吧。
又或者，根本連棋子都不如。
祝大家有個愉快既週末。
連結：人在中環
沒有留言:
張貼留言