頭條新聞經典金曲　﹣鬼馬紅娘

上傳日期：2009-04-10

頭條新聞的時事MTV，多數是中文流行曲，我阿媽和很多同輩的香港人一樣，鍾意唱大戲

，所以我諗，不如試用粵曲，吸引不同觀眾去看時事節目，搵下搵下，聽到呢首由譚蘭卿和陳好裘唱的「鬼馬紅娘」，真係生鬼，我忽然聯想到當時（１９９４）的中英政制爭拗，肥彭和魯平對著幹，收唔到科，中方提出要另起爐灶，飛哥李鵬飛從中斡旋。但是如何有畫面配合長達兩分鐘的選曲呢？於是，和港台美術部同事民仔（江建民）商量，因為他出了名畫人物漫畫，十分生動傳神，其實民仔每周要服侍無數港台節目，做頭條新聞的時間只有一天，不只要畫個紅娘故事出來，節目尚有其他美術工作要做，最慘的是，要巧婦難為無米炊，我只提供幾個大頭樣，其他完全交由民仔善後，經不起我苦苦哀求，民仔免為其難應承，我就慳水慳力，難委民仔捱到通宵達旦。最後，他畫了一組漫畫，我再交由視訊同事做後期效果，終於完成這首經典金曲，三位政治人物都要反串，令人捧腹，十幾年後睇番都咁好笑。民仔，感謝你！