隔牆有耳：
動心思靚相撐言論自由

7,517

■「你影我，我影你」

香港嘅新聞自由同言論自由踏入寒冬，唔少市民噚日就上街為新聞業送暖，齊齊捍衞新聞自由同言論自由。但查實除咗上街遊行，仲有唔少其他渠道可以表態㗎。

好似《蘋果日報》咁吖，噚日「動獎相」招募反滅聲相片，等市民可以用富有獨特心思嘅相片，表達對新聞自由同言論自由打壓嘅憂慮同關心。

八方噚日都睇過唔少得獎作品，其中讀者Jacky Chung就別出心裁，喺放有筆嘅keyboard前，用個鉗箝住一張紙。有乜嘢被箝制住？大家心領神會啦。如果要反打壓，就真係要好似作者咁，用個鉗去箝爛「打壓」至得嘞。
另外亦有讀者影低傳媒認真採訪嘅時刻，當係互相扶持同鼓勵。