王維基: 香港究竟仲係唔係香港?

王維基已不奢望發牌 籲港人守衞香港

2013-11-1 20:40:48

Share on facebookShare on twitterShare on sinaweiboShare on email

王維基今日傍晚到理工大學出席講座時表示，不期望群眾力量可改變政府的發牌決定；他又暗示，香港電視不獲發牌，與2008年任亞視CEO期間的他的「錯誤決定」有關。
王維基今日發言時，一再勸籲聽眾不要寄望可發牌，又指將於下週三（6號）表決的《特權法》議案，不可公開商業機密及行會密件，形同「廢咗武功」。王維基將事件形容為很好的磨練，又指無論結果如何，自己亦無浪費時間，鼓勵在場學生要享受挑戰的過程。
與此同時，「香港電視網絡職工會」發起聯署，要求政府交代，又號召市民下週三前往政總集會，向議員施壓期望通過特權法，現時政總門外仍有10名HKTV前員工留守。
失牌照與任亞視CEO有關
王維基今晚再次強調，認為事件與北京無關，因為今次發牌不涉大氣電波，是很小的事，中央不會介入，相信只是港府內「一小撮思想比較偏激嘅人」的決定。但當 主持問他為何港府會作此決定時，王維基就指自己2008年在亞視出任CEO期間，心態「飄飄然」，沒有聽取其他同事的意見，「嗰12日入面，做咗啲唔係好 啱嘅決定。」主持要求他詳細說明時，他驚訝地反問「你仲唔明呀？」，但強調「只可以講到呢到」。
現場有學生問王香港是否仍適合創業，王維基指：「我仍然對香港有信心……特首唔會做一世架嘛」，獲全場報以激烈掌聲。
發牌是奢望  籲市民衞港
王維基表明自己沒期望，亦不相信群眾力量可以逼使政府改變發牌決定，認為市民亦不應有此「奢望」；他指香港市民現在要向政府爭取、改變的，不是一個商業機構的前途，而是香港這個城市的前途。

「我冇諗過，亦唔係動員群眾逼使政府發返牌畀我哋，我覺得呢樣嘢唔可能，我冇呢個期望（可以發牌）。[…] 我覺得呢個亦唔係普通市民嘅期望……我覺得大部份人只係想要一個解釋。大家關心嘅課題係：呢到仲係咪香港？
要諗香港嘅前途，唔係我（HKTV）嘅前途。[…] 大家唔好有奢望，出嚟撐就會發返個牌畀我[ …] 希望大家係有少少夢想，想香港係一個咩社會，由「香港會點」嘅角度出發，唔好再諗、再理我嗰牌照，放低佢啦好唔好？我哋要守衞嘅，係香港究竟仲係唔係香港。」

王維基認為政府若清楚交代不發牌的理由，相信大部份市民均會接受，不過又指「就我所知應該係冇理由，但我唔敢講我一定啱。」他表示，自己仍未放棄，但必須保留實力考慮長遠策略。
《警界線》18集2500萬 仍望播出
王維基透露，公司現時讓員工在家工作或彈性上班，平復心情，下週再看是否有員工決定辭職。王維基指，他會與選擇留下的員工商討如何轉型，可能會轉拍電影或轉為製作公司。
有學生建議他推出《警界線》等劇集的DVD，王維基透露，《警界線》18集的成本是2500萬港元，相信以DVD形式推出「回唔到本」，指自己仍有Plan C、D，希望能將《警界線》等劇集足本播出。
被問到會否在2015年、即無綫及亞視免費電視牌照到期時，再申請牌照，王維基即指：「咁就要睇下，大家係咪可以令亞視續唔到牌啦。」