2014年05月02日
【亂噏24第42集】韓流大舉入侵本土娛圈，令人不禁疑問香港再沒有出產明星，非要崇拜別國的不可？超級經理人黃柏高（Paco）認為本地人才多的是，但
必須經年月琢磨，學習正確價值觀才能成大器。他帶同的兩位嘉賓薛凱琪（Fiona）和蘇永康便是最佳例子，兩人在今集《亂噏24》將詳細分享他們的奮鬥
史。讀者可在http://bit.ly/appletalk24
重溫。
撰文：馮國康、Sidekick
重溫。撰文：馮國康、Sidekick
離開電影界一段日子的蔡瀾，對電影熱愛從未減退，無論好的壞的，他都照看可也，薛凱琪不禁自嘲說：「諗唔到我嗰啲你都會睇！」蔡瀾用筷子敲打一下腦袋說：
「你知唔知呢幾晚我睇咩？我睇《星星》（韓劇《來自星星的你》）呀！」蘇永康認為《星星》已形成社會現象，網絡的盛行也令男主角金秀賢身價暴升，工作遍及
亞洲，落後地區如越南都有。
Fiona靚又性感
康仔說：「𠵱家佢喺內地出場費係六百萬人民幣。據我所知，因為男主角好快要服兵役，年尾將會開拍第二集，𠵱家已經有13個以上嘅高檔品牌擺咗 proposal上去。」他又稱很多外國品牌近年才意識亞太經濟合作的重要性，紛紛設立APEC部門，也解釋為何這班韓星個個水漲船高。Paco說：「聽講日本禁播呢套劇，因為係major competitor，一播呢套劇直情冚過晒日本藝人。」蔡瀾解釋這是因為當年韓劇《藍色生死戀》登陸日本時，幾乎將當地娛樂事業打垮，從此日本人對韓劇 有了戒心。《星星》的成功，全靠女主角全智賢的魅力逼人，蔡瀾說：「又證明咗我話韓國女人係靚嘅！全智賢係冇整容，佢鼻哥有粒好大嘅癦，都唔整走佢，佢係 好有自信嘅人。」陳淑莊（Tanya）說：「睇靚女，蔡San點會走漏眼？」Paco即時拿Fiona開玩笑：「Fiona都出道十年，個樣又越來越 靚……」似是意有所指。蔡瀾沒回答Fiona是否整容，只說：「佢靚，同埋佢有時着得性感啲！」尷尬得Fiona只儍笑遮醜。
《那誰》係整定
Fiona今年9月在紅館開騷，感激公司讓她不接工作三個月，推掉了不少片約，好讓閉關特訓，為個唱做好準備。Paco解釋：「我覺得作為歌手，一定要尊 重演唱會，尤其係紅館，所以要着重之前預備。我唔接受你開演唱會嗰刻突然間感冒而影響狀態。」席間，Tanya提起前年叱咤頒獎禮觀眾票選的「我最喜愛的 歌曲大獎」中，康仔的《那誰》以64票之差敗給胡夏主唱的台灣電影主題曲《那些年》，她戥康仔不值：「我一聽到《那誰》全部毛管係戙晒，隻歌真係好勁。」康 仔記得當晚點票時，台下所有本地創作人都為他打氣，得悉落敗後無不垂頭喪氣，他說：「佢哋覺得點解我哋本地創作，會爭嗰64票，而畀你哋去揀會揀咗《那些 年》？」康仔自覺沒大不了，因他的音樂之路從來充滿驚喜。當年他推出專輯《情來自有康》銷量達八萬張，他的音樂更被譽為「中產音樂」，下一張《獨立宣言》 卻因金融風暴銷量大跌，當時他的經理人是Paco，他向對方謂假若下張唱碟能賣二萬張已偷笑，結果下一張唱碟便收錄其成名作《越吻越傷心》，康仔說：「所 以好多事情都係無心插柳。」
常言機會是留給有準備的人，康仔從蔡瀾和倪匡身上學會「活到老、學到老」的精神，時刻都在進修音樂。Paco一臉認真 的說：「黎生我可以話畀你聽，現今成功歌手，仲咁努力去令自己進步，呢個（指着康仔）係其中一個！」康仔以「騷靈之父」Ray Charles為例子：「Ray Charles生前都有做voice training，只因為聲帶厚咗去唔到一個note。我自己都有呢個問題，所以嘗試進修另外一種方法，係畀自己一個交代。」Tanya問他音樂是否其生 命全部？康仔笑說：「除咗買衫之外！」蔡瀾補充：「仲有買眼鏡！」
較日韓遲熟
近年，香港的明星比日本或韓國的明星遲熟，通常演技、歌藝到三十歲才慢慢浸淫出來，蔡瀾覺得是本地教育出了問題。Paco解釋：「其實日本嘅娛樂制度同經 理人制度唔同，佢係由你好細個，一路train做偶像派，畀你一路讀書一路訓練，韓國都係咁。」Paco鼓勵年輕人先完成大學課程，他說：「我簽一位新晉 歌手或演員，我都希望佢先完成學業。」肥佬黎覺得有很多年輕人只想做明星，純粹為了成名，但沒有做明星的熱情，Paco遇過無數這類人：「實在好多年輕人睇到娛圈漂亮一面，為咗自己虛榮，佢覺得有兩個fans跟住已經好威，其實係好短見。」
其 實日本藝人事務所的訓練也非常嚴格，後輩要學懂尊重前輩，這亦是康仔當年在華星時期學到的，他說：「我細個去過劉培基先生屋企食飯，就覺得自己同佢好熟。 有次去張玉麟夫人屋企，我就同Eddie哥哥（劉培基）打招呼。第二日就俾人召返華星，『做乜你見到Eddie哥哥唔企起身打招呼？』」此事令他一直銘 記。康仔又提到當年近藤真彥憑《愚者》擊敗五木宏的《長良川艷歌》奪得日本唱片大賞，上台演唱時哭成淚人，他說：「我係明白嘅。由佢𡃁仔捱上去， 《Highteen Boogie》到攞到日本唱片大賞，中間段路係幾咁痛苦。」他藉此想勉勵年輕人，要有收成就必先要付出，這也是Paco訓練新人的態度：「希望薪火相傳落 去，令到華人嘅娛樂界嘅態度唔好咁扭曲。」
http://bit.ly/talk244201
星星威力踩過界 日本禁播咁奇怪？
http://bit.ly/talk244202
那誰爆到街知巷聞 阿公話純粹撞棍
http://bit.ly/talk244203
演唱會之父唔講金 蝕本都做夠胸襟
http://bit.ly/talk244204
日本藝能界由細Train到大 韓國照抄晒
http://bit.ly/talk244205
歌手走音成日有 全靠科技補救
http://bit.ly/talk244206
康仔錫住Fiona 變身娛樂圈大哥哥
http://bit.ly/talk244207
後生仔恨做明星 全因滿足自己虛榮
http://bit.ly/talk244208
星級餐廳亂俾星 因為廚師有偈傾
http://bit.ly/talk244209
康仔東京食好嘢 連老婆都話正
http://bit.ly/talk244210
沒有留言:
張貼留言