河蟹青協

2013-1-24 6:40:09

Share on facebookShare on twitterShare on sinaweiboShare on email

相片來源：青協facebook

梁振英出席青協舉辦年青人施政報告座談會，閉門進行，冇比傳媒採訪，安全系數百分百，香港政客及青年團體估唔到墮落到如此地步，些少風險都驚死，怕受衝 擊，亦怕青年插特首。在煲呔年代，特首及官員出席青協活動，經常遇到青年當面挑機，鬍鬚曾、唐唐、鄭汝樺及孫公都遇到過挑機，但從來未出現過為了維護權貴 面子而要閉門進行。
做得政客如果連一兩條靚仔挑機都怕，驚成咁不如唔好做，正如職業足球員點可能怕剷波及身體踫撞。如果閉門方式乃青協決定，則顯示呢類河蟹青年組織之不堪， 正逐漸失去在青年及社會層面影響力。特區政府每年花唔少公帑在青年工作之上，青協佔唔少，老董年代仲在北角半山醒個新總部比青協，同時花幾億整個柴灣「少 年宮」比建制派做基地大搞青少年統戰活動，但十幾年來呢類河蟹青年工作成效全無，錢花了不少在中港交流、國情教育，但舊年比黃之鋒及學民思潮一舖打殘。
反國教一役正式宣告特區青年工作全線潰敗，早在八十後反高鐵一役已見端倪，河蟹青年組織變成了蛇齋餅糭同類，但八十後追求係價值信念，而非扮乖仔做 smart ass。學民思潮發動包圍政總一役，對青少年有巨大影響，你問班學生，究竟去政總參加包圍有型，定出席靑協政務司、特首對談有型。但政府至今仍未反省，繼 續倒錢比呢類河蟹青年。
政客感覺良好　冇宣傳作用
任何政治工作都要講效用，一個挑機細路提出尖銳問題，正好係比政客顯身手機會，問題愈尖銳你答得愈有型，再經傳媒傳播，自然爭取到細路歡心。反之閉門座談 大家客客氣氣河蟹一番，只係令政客feel good，但就完全冇宣傳作用。可以預見，青協一類組織，花了政府及馬會不少資源，高層人人高薪厚祿，早已變了身嬌肉貴精英，面對今日「青年起義」，仲邊 有能力去幫政府爭取青少年，嘥Q氣。
刊於蘋果日報，金融中心版