城管生嘲諷鼠王芬

2014年04月11日

隔牆有耳： 城管生嘲諷鼠王芬

7,632

適中字型 較大字型

■城大民主牆近日湧現不滿鼠王芬嘅大字報。

內地新護法饒戈平早前「引述」學者意見，指香港可以試行國安法，經民聯立法會議員梁美芬幫口，話喺法律角度，香港真係可以試行，結果惹嚟唔少人批評，佢任 教嘅城市大學嘅民主牆，近日更貼咗好多諷刺佢嘅大字報。

■鼠王芬即刻派助手喺民主牆貼澄清聲明。

鬥貼大字報

有署名「愛國愛黨的城管大學生」話，多謝「梁美芬同志」同意國安法喺香港試行，希望大學繼續支持呢位同志嘅城管角色，繼續做好國家維穩工作，「河蟹和諧香 港萬歲」。另有標語寫住「熱烈支持愛國愛黨的梁美芬同志取代子女全在英國讀書的梁振英」。
鼠王芬知道後，即刻就派助手喺民主牆張貼澄清聲明，覺得學生或有誤解，重申當日只不過係循法律角度做分析，唔代表佢希望或覺得香港要試行國安法，希望大家尊重唔同意見、唔好互相批鬥。