2014年04月29日

舖王：港是冒險家天堂

42,327

適中字型 較大字型

【本報訊】去年以逾150億港元身家躋身《福布斯》香港富豪榜第25位、人稱「舖王」的大鴻輝集團主席梁紹鴻（圖）接受本報訪問表示，香港政府奉行積極不 干預政策，稅率低，是冒險家的天堂，雖然易受外圍影響，但出現一個又一個機會，「每次香港出現危機後，就造就一班人上位」。

「危機造就一班人上位」

梁紹鴻認為，香港是法治社會，機會平等，不像中國內地，「你在國內發展，機會不平等。大陸官僚，做官嘅親戚朋友機會一定大過普通人十萬倍，唔輪到你上去發 展，我唔入去大陸發展就係咁解。香港有好好嘅法律，好多人唱香港乜唔好，但法律面前，人人平等，中國大陸唔係嘅，起碼你唔可以告政府先啦！你想告中國政 府？你行開啲好，正式官字兩個口。當然好多人在內地搵到好多錢，但係之前打通晒某啲關係，呢啲關係可能隔晚就消失」。
梁紹鴻補充，香港是冒險家的 天堂，因為政府奉行積極不干預政策，稅率低，稅制簡單，營造良好的營商環境。同時香港沒有天然資源，容易受外圍影響，經常發生經濟危機，例如金融風暴。不 過每逢危機，變相出現機遇，「當機遇出現，要睇天時地利人和，可能你夠膽，但當時你無資金；可能你有資金，但唔夠膽；可能你夠膽、又有資金，但是沒有機 會。每次香港出現危機後，就造就一班人上位」。