婆婆爆粗勁插自由黨: 人哋老豆老母唔係人呀？你喺個X門拉出嚟就係咁大架嗱？！v

Youtube1: 婆婆爆粗勁插自由黨，大快人心，向余婆婆致敬！

Youtube2: 余婆婆講出大部份香港老人家的心聲

自由黨李梓敬反全民退保 婆婆大罵：呢個仆街...香港瞓低

2014-4-29 18:34:05

Share on facebookShare on twitterShare on sinaweiboShare on email

立法會退休保障事宜小組委員會今日召開會議，討論退休保障事宜，自由黨青年團主席李梓敬發言反對全民退休保障，認為港人應自行供養父母，遭同場一名老人狠批，李梓敬全程尷尬微笑。
李梓敬在會議上激動表示：「我哋嘅父母應該由我哋去供養，唔係要求其他人去供養」，不同意設立全民退休保障制度。關注長者權益大聯盟代表余婆婆反駁李梓敬，認為李梓敬不應假設所有人都必然有能力供養父母。

若果你話將來，畀呢兩個仆街揸手呢，香港就瞓低架啦……（副主席張國柱要求余停止使用不當字眼）
我係咁架啦我唔識字架，你准唔准我講嘢先，佢講你又得，我講又唔得，准我講呀嘛？

佢要養老豆老母，你老豆老母就係人，人哋老豆老母唔係人呀？你生在香港就係咁富貴呀？

你冇我哋呢啲人捱、捱工廠、捱起樓起乜嘢，你有咁富貴？！

你喺個閪門拉出嚟就係咁大架嗱？！

痴線架你都，都唔係人嚟架你都，講啲說話都完全唔係人生出嚟講嘢嘅，係人都唔係咁講，唔好掩住個心喺度講嘢啦，你唔好掩住個心講嘢，你有冇腦先？你有冇腦先？！

你肯定我哋就要人哋養喇，我哋要人養，你第日冇衰架啦？一路都咁好咁順利？第日或者你衰咗呢？跌落個坑渠呢？喺個坑渠拿飯食呢？會唔會呀？我總唔信你咁富貴，香港吓吓個天都保佑你咁好彩。

同場另有發言者指出，李梓敬在老人發言時，一直以手提電話玩轉珠遊戲，批評李梓敬不尊重老人。
李梓敬去年4月碼頭罷工期間，在港台《城巿論壇》爆出一句，為免被操縱，「工人想搞工運時，唔好俾工會介入」，引來網民恥笑其邏輯有問題。
雖然自由黨成員多中產人士和老闆階級，但他在去年6月又在Facebook聲稱，「旺角辦事處開張至今已經三個月，都冇錢買部雪櫃，辛苦啲同事無得帶飯，要捱旺角啲貴外賣」，同樣被網民「強力恥笑」，指「自由黨一千幾百都冇」、「中產扮窮人」等。
此外，自由黨早前選定前美國總統列根為「代言人」，並用其頭像製作黨衫，代表自由主義右翼理念，李梓敬及其黨友更身穿此衫接受訪問。不過，被清醒的網民一語戳破，「列根反共喎！」諷刺自由黨親共，「真正右翼會容忍到香港成為中國附庸？」