2014年02月08日
梁直言對蔣麗芸反佔中，又支持佔領郵輪不感意外，「佢（蔣麗芸）個人就係咁，佢做就啱，人哋做就唔啱」。對於蔣昨稱是反對佔領郵輪，長毛質疑她應該當日出來反對，「咁佢（蔣麗芸）當日應該出嚟反對，點解件事過咗先話反對？佢應該離場啦」。
對於有團友一度警告蔣麗芸若不出手協助，將改投票給長毛，他認為市民「想搵個真係做嘢嘅人」；又笑言希望蔣參加佔中，「咁我希望佢佔中時過嚟，見到咁多人佔，咪佔埋一份囉，我覺得佢好好笑」。
陳 健民對有建制派議員以佔領郵輪方式抗爭感奇怪，坦言因不清楚誰對誰錯，故難作評論，只希望蔣麗芸經過今次事件後，「明白某啲情況下，即使講道理都好，嗰啲 有財有勢嘅人都可漠視你哋嘅意見，可以繼續欺壓啲弱勢嘅人」。陳強調公民抗命最重要是先弄清楚目的是否為爭取公義，「我哋爭取普選，係涉及全香港，所以我 哋先夠膽話佔領中環」。
沒有留言:
張貼留言