張秀賢無辜變「名師」

2014年02月11日

隔牆有耳：張秀賢無辜變「名師」

9,569

適中字型 較大字型

■張秀賢（中）呼冤話係影過宣傳照，但後來事忙已經退出唔做「名師」。互聯網

學民前成員張秀賢入咗中大之後，淡出學民，但依然係是非纏身。佢最近俾網民聲討，事關呢位社運人士突然間變身做補習名師，着晒老西擺出chok樣喺 studio影poster，幫一間名為「學府教育」嘅機構做宣傳，話佢有份幫手搞DSE通識模擬考試。呢個模擬試會喺今個月22號進行，基本改卷 收$220，要詳細評卷就收$320。

網民鬧爆教育商品化

嘩，升呢做補習名師，好似好威咁喎。但呢個宣傳一出，網民即時鬧爆張秀賢，話佢當初講過反對教育商品化，點知𠵱家就帶頭將教育商品化發揮到極致咁話。張 秀賢就呼冤話，佢只係喺初期同間網上補習社傾吓、係影過吓宣傳照，但後來事忙同覺得有角色衝突都退出咗啦；有人話間補習社冇攞牌，佢就話網上補習社應該唔 使攞牌㗎喎。
至於教育商品化呢個問題，佢話佢一直都係反對學生「濫」補習，而且，佢一向都有參與義教工作，幫綜援學生補習，係會收優惠價咁話。佢又話，喺網上攻擊佢嗰班人，過去一直都有攻擊開學民仔，成件事，家陣都令佢幾困擾吓。