2014年08月06日
黃子華棟篤笑的精髓，當然是富有哲理的金句，跟其他演講騷的爛gag高下立見。
1.
「搵食啫，犯法呀？」
2.
「男人喺愛情上係要求新鮮，女人對愛情最大要求就係保鮮。」
3.
「化妝就係你落咗妝，我仲認得你，你落咗妝，我唔認得你，嗰啲叫做喬裝。」
4.
「喺我第一次戀愛之前，我認為自己就係楊過。而我同書裏面嘅楊過唯一唔同地方，就係佢有一隻大鵰。」
5.
「當乜嘢人都唔搵我做嘢，我就知道，我係一個偉大嘅藝術家，在生嘅時候係唔會獲得應得嘅尊重。唔止咁，我仲偉大過偉大嘅藝術家，因為我知道，我死後都唔會受到尊重。」
6.
「男人唔係不主動，係成日都蠢蠢欲動；唔係不抗拒，係不能抗拒。我哋唯一可以做嘅，就係不負責！」
7.
「𠵱家香港人生仔可以冇老婆，但唔可以冇菲傭。」
8.
「乜嘢叫做天真？就係你相信一個藝人嘅形象就係嗰個藝人，咁樣就叫做天真。」
9.
「所以梁錦松佢𠵱家好犀利㗎，佢經濟冇破產、佢人格亦都冇破產，佢係IQ破咗產。咁我哋唔應該欺負啲智慧低嘅人。」
10.
「人類有人類自己嘅食物鏈，人類嘅食物鏈簡單好多，只有三種。最下層係無產，中層係中產，頂層係X家產！」
沒有留言:
張貼留言