攞唔到錢就打阿媽終日家嘈屋閉 鄰居想調遷

2014年07月23日

終日家嘈屋閉　鄰居想調遷

146,812

適中字型 較大字型

■兇案單位面積約400平方呎，雜物甚多。

【本報訊】「攞唔到錢就打阿媽，成日都家嘈屋閉，真係頂佢唔順，我之前都想調遷！」兇案單位鄰居林伯表示，兇案死者阿榮生前經常因為金錢問題，與家人發生 爭執，對左鄰右里造成極大的滋擾，林伯形容一年365天，幾乎日日都嘈，年終無休。

指死者脾氣暴躁

林伯表示，昨晨起床已經見到大批警員在門外調查，始知出了事。他表示，對陳家爭吵已經見怪不怪，不時會驚動警員上門調查：「佢老竇在生嗰陣，都成日鬧佢 （阿榮），攞晒啲錢去賭，打麻雀。」由於爭執無日無之，擾人清夢，林伯曾經要求調遷，遠離這個家嘈屋閉的非常家庭。
另一街坊黃太表示，深夜不時聽到有人大聲踢門及搖鐵閘的聲音，吵得整條走廊的住戶都可以聽到，又指阿榮脾氣暴躁，鄰居都不敢惹他。
亦有街坊指，自從陳父病逝，留下約10萬元給家人後，阿榮就變本加厲，向母親索錢更為嚴重，有一次，陳母曾對相熟街坊埋怨：「個細仔好唔生性，咁大個人仲要屋企人養。」
觀塘區議員劉定安則稱，沒有收到兇案家庭的求助個案，但從其他街坊得知，死者經常因為金錢問題與母親及胞兄發生爭執。