v 星期日專題：80長者動遺言 預錄最後祝福 葬禮送至親

2013年09月08日

星期日專題：80長者動遺言預錄最後祝福　葬禮送至親

54,206

適中字型 較大字型

■正式拍攝前定期分組，一人一故事，平凡卻真實。

【本報訊】播放一對新人浪漫成長故事，幾成婚宴的指定動作，但可有想過，在葬禮向至親送上最後祝福？一個名為「留給最愛的說話」的錄像計劃，以一年時間， 追蹤80名獨居長者的人生故事，剪輯成30分鐘的錄像。有內疚媽媽因無法讓孩子過舒適童年生活，對着鏡頭訴說人生遺憾；也有經歷戰亂的好爸爸，叮嚀子女在 地球另一端好好做人。
記者：呂麗嬋

他們不是李嘉誠，沒有人為他們立傳歌功頌德，但或順或逆的人生故事，同樣動人。「婆婆！你有咩嘢想同仔女講呀？」位於大窩口的老人中心好不熱鬧，幾十名頭 髮花白的長者，魚貫進入由活動室改裝的臨時錄影室，對着鏡頭訴說平生。攝錄機旁有寫滿兒媳孫兒名字的「貓紙」；還有社工、化妝師站在一旁，場面大陣仗。忙 得團團轉的攝影師德哥說：「婚宴就拍得多，要一次過幫80個公公婆婆，拍屬於佢哋嘅故事，就係第一次。」

■吳美（上圖）直言早無牽掛，惟有對當年經營米舖（右圖）時，要子女幫手深感抱歉。

「阿媽好對你哋唔住」

「我有五個仔女，最想同佢哋講：阿媽好對你哋唔住。」76歲的吳美是其中一個「有話要說」的老人家。丈夫因病早死，子女長大成家，這個頭髮斑白的內斂媽 媽，卻有未圓的心事，對着鏡頭，化了淡妝的她，結結巴巴：「我同佢哋老竇都讀書唔多……屋企開米舖，啲細路仔放咗學都要返舖頭幫手，將啲米分成一小袋，大 咗有力氣，就去送米送石油氣……。」
丈夫是相親認識的初戀情人，在米舖打工，死慳死抵在屋邨街市開舖做老闆。小舖最初賣的米和油，還得先向相熟的 供應商賒數，「無錢，惟有一邊賣一邊找數，無能力請伙記，個個細路哥都要喺屋企做童工，有時送完貨先做功課，我哋大人要捱都預咗，唔想細路仔咁，但有咩辦 法？」七十二家房客式的艱苦歲月，攸忽已過，「養大佢哋，搵到啖食，唔使走番我哋條路咁辛苦，仲有咩求？」
大兒子在台灣工作，女兒早移居美國，「去美國住咗半年，唔慣，又返嚟香港……」。老伴早不在，獨居葵涌邨，這個慈母直言早無牽掛：「中國人唔鍾意將啲愛呀放喺口邊，尤其對住啲仔女，好多時心照就得，我就話講出嚟好啲，起碼無遺憾。」

■梁子潤在錄製前化妝（上圖），年輕時曾在外貿公司當主管（左圖）。

「希望佢哋好好生活」

像吳美一樣，半生兒女債的，還有84歲的梁子潤。聲如洪鐘的子潤，妻兒都在天津，獨居香港，人生走到黃昏，一坐下，不忘話當年。「82年，因為阿爸患重 病，嚟港見最後一面，遇正抵壘政策，人人趕尾班車登記，無端端做咗香港人。」出身知識分子家庭，在青島讀大學，離家三十年，52歲才在港由零開始。「我哋 呢代人，由中共建國到唐山大地震，由三反五反到文化大革命，樣樣都撞到正。」身處大時代，造就銅皮鐵骨，「試過喺外資公司做，派駐天津；年紀大無人請，就 喺銀行做保安，公餘幫啲經理補習普通話，一樣有人叫我老師！」
像個老頑童，子潤笑說不是李嘉誠，有人為他「立傳」，笑不攏嘴，「年紀大，總有一日 要離開呢個世界，我個仔都50幾歲，佢哋住喺天津，好少見面……我一早已經同啲社工姐姐講，我死咗，海葬就好，自由自在。你問我，無咩嘢留番畀佢哋，留低 啲回憶就好，只希望佢哋離開幾遠都好，要好好生活」。說着，嗓門大的他竟紅了眼睛。
「留給最愛的說話」是集思公益活動的資助項目，歷時一年，剛開 始為期一周的拍攝工作，負責計劃的循道衛理亞斯理社會服務處社工陳嘉穎指，期望透過小組活動及製作光碟，重塑長者的人生故事，有人生的遺憾，也有快樂的回 憶，陳嘉穎說：「無人知道幾時死，愛要及時，有啲說話，都要說得及時。」