二五波忌廉哥

2012年12月07日

門常開：二五波忌廉哥 2012威名遠播

8,289

適中字型 較大字型

隨住《福布斯》公佈2012最具影響力人物，吳爽喺度亦要隆重宣佈2012香港最具影響力人物。參考咗十八大同特首選舉嘅文明作風，經過零投票零諮詢嘅黑 箱作業閉門造車式選舉程序之後，門常開決定選出美帝好朋友邵善波，同埋名震尖東嘅忌廉哥，?2012年最有影響力。

邵善波　勁過奧巴馬

中央政策組首席顧問邵善波當選，就好似林峯榮獲亞太區最受歡迎男歌星一樣，係實至名歸嘅。佢主理嘅中策組本身係政府智囊，可以一年365日向梁班子上下官 員洗腦。咁仲未止，中策組權力正在逐步擴大；邵善波早前已經講過，官方諮詢組織委員同埋部份政治助理任命，都要問過中策組，佢哋仲打算收番公共政策研究資 助嘅審批權。
影響力伸延到美國
咁都未算勁，原來大家一直稱呼邵善波做「左王」，係冤枉咗佢，實情波兒係左右逢源嘅超級無敵二五仔。維基解 密資料顯示，波兒唔止權傾中環，原來仲同美帝好friend，2009年全港爭取普選嘅時候，佢就向美國駐港領事通報最新形勢，甚麼胡錦濤話晒事、 2012年後嘅直通車唔使旨意等等，佢都向美帝開誠布公。即係話，波兒嘅影響力已經由香港延伸到太平洋另一邊嘅美國，勁過奧巴馬。

忌廉哥　一張相都過萬Like

今年7月，長駐尖東報攤嘅7歲英國短毛貓「忌廉哥」失蹤，全城大為緊張。搜索期間，商場保安出動埋CCTV，翻查錄像，發現佢一度喺三更半夜路經一個商場 門外之後，就唔見咗蹤影。嗰時仲打過十號風球，所以忌廉哥嘅粉絲都以為佢凶多吉少；正當大家都打定輸數之際，忌廉哥失蹤25日之後忽然回歸，有人喺報攤附 近嘅停車場搵番佢，人貓重聚。
出寫真月曆做搖錢樹
忌廉哥有個facebook群組，有成4.4萬個like。版主隨便幫忌廉哥影張相上載出?，係咁意都有過萬個like，風頭就好似當年玩轉山貝河嘅小灣鱷貝貝一樣咁勁。已經貴為明星嘅忌廉哥，最近仲出咗個2013寫真月曆，變咗搖錢樹，影響埋香港嘅經濟增長㖭。