30歲男中度智障及自閉症 牛高馬大發脾氣胡亂推倒身邊物件 成年智障人士支援不足

2014年03月12日

智障人士支援不足　家長氣餒

11,528

適中字型 較大字型

■黃先生指照顧智障兒子令他和太太筋疲力竭。袁樂婷攝

【本報訊】智障人士支援嚴重不足，令家長孤立無援，壓力瀕爆煲。王太的30歲次子患中度智障及自閉症，不時發脾氣胡亂推倒身邊物件，又試過在商場與母親拉扯，集數人之力才拉得住他。
王太表示，兒子牛高馬大，自己的年紀也漸長，越見吃力，「一個人實在搞佢唔掂，佢發脾氣好大蠻力，好似獅子籠中搏鬥」。
她的兒子苦等院舍宿位10年，今年初終如願，下月入住，「唔會放棄個仔，但真係鬆一口氣」。
另一家長黃先生則指，照顧患中度智障及自閉症的9歲兒子令他和太太筋疲力竭，「一定要24小時睇實，睇少一分鐘，佢可能開水喉浸咗屋企」。

宿舍要輪候七年

黃先生指與兒子外出時也常遇尷尬，例如兒子在酒樓搶過陌生人的茶杯喝水，「佢唔識分對錯，想做就做」，因此常被不理解自閉症的市民喝罵。
他說，兒子目前讀特殊學校，尚且有校方支援，但擔心兒子畢業後生活，望政府加強支援。
公民黨立法會議員郭家麒指，政府對成年智障人士的支援嚴重不足，中度及嚴重智障人士宿舍平均輪候時間近七年；提供日間服務的展能中心也要等四年，部份地區如東涌和元朗，更需跨區才有服務，且輪候時間過長，「等緊嗰七年，甚至有啲等十年，家長點捱？」
郭家麒批評新一份《施政報告》紙上談兵，無力紓緩智障人士服務供不應求，促政府增加社區日間照顧服務及智障人士院舍宿位。

• Ho Chun Kin · 留言最多的人 · Hong Kong
  

  好多人不知道政府智障人士宿舍只能住到21歲一到21歲就會趕智障人士走除非考試合格就會派到馬會智障人士宿舍. 考試不合格又沒有$只能接受$2000-$3000援助.希望大家建議政府提供一間收費的和一間免費的宿舍和不要x視智障人士(20年前係東頭邨建相關設施被邨民抗議)

  回覆 · 2 ·
  

  · 9 小時前
• 
  

  Keith Yung · 留言最多的人 · Interlite Asia－Safety Supervisor
  

  希望政府正視吓個問題，提供多點措施支援智障人仕

  回覆 · 1 ·
  

  · 7 小時前
• 
  

  Lorraine Cheung · 留言最多的人
  

  智障人士又幫唔到政府得到選票， 所以政府寧俾錢新香港人， 將來投民賤聯， 工賊會等建制派人渣一票， 所以梁振英政府是不會幫智障人士的。 香港政府最現實， 睇下大6 有無照顧智障人士院舍就知道， 只有西方國家才會關愛照顧智障人士， 香港既智障院舍都係97 前英國政府起的， 97 後又無新院舍落成呀？

  回覆 · 1 ·
  

  · 6 小時前