香港人優勝有法治：所以我哋嘅奶粉係真嘅

2014年03月28日

【杜汶澤再爆seed】香港人優勝有法治：所以我哋嘅奶粉係真嘅	12,323
最後更新: 0328 22:46 / 建立時間: 0328 19:11

適中字型 較大字型

阿澤話：「香港係暫時仲有法治嘅地方，所以我哋嘅奶粉係真嘅。如果你連香港法治都捍衛唔到嘅，香港人先會真正滅亡，原因係佢哋都冇晒優點喇。」 (蘋果日報)

繼續係杜汶澤接受網站訪問，方才提到，阿澤感慨依家嘅香港比內地更「左」，係因為一啲香港人出賣香港，走去擦共產黨鞋，比共產黨更加可怕。之後講到香港人 優勝之處，阿澤又似有所指咁話：「香港人優勝，係冇辦法改變嘅事實，我哋有最基本人嘅禮貌，因為我哋人少，識尊重人命、人權；我哋靈活性大，因為冇民族性 吖嘛，我哋冇民族自卑感。」

阿澤又話，香港係暫時仲有法治嘅地方，所以我哋嘅奶粉係真嘅：「所以如果你連香港法治都捍衛唔到嘅，香港人先會真正滅亡，原因係佢哋都冇晒優點喇。」

問 到阿澤覺得香港仲有冇法治時，佢就話覺得澳門仲先進過香港，仲話我睇佢會愈來愈差。」至於仲會唔會係香港度住？阿澤就話覺得外國好，有錢得閒咪去住下，但 唔會移民。佢仲話：「就算幾難頂都好我只係諗一樣，點解要我走？點解唔係你走？我係度出世0架嘛，你嚟我就要走，你係邊個呀？如果你話『依家我俾你強 喎』，咁你要整死我先知喎。」