香港殘奧會 香港痙攣跑手蘇樺偉 想繼續跑v

Youtube: 感動香港每週人物評選 - 蘇樺偉:我天生不是跑手(潘教練:他不計較得失多少，享受比賽!)

2012年09月12日

蘇樺偉想繼續跑蘇媽媽關心終身大事

108,580

適中字型 較大字型

王子俊攝

所謂三十而立，香港殘奧傳奇蘇樺偉（圖）下月6號就31歲生日，噚日同殘奧「多金公主」余翠怡（下圖右二）穿金戴銀威水返港，連特首CY都要到場叨光；大 家都好關心跑咗5屆殘奧嘅偉仔會唔會繼續，去接機嘅蘇媽媽（下圖左）喺旁邊耍手擰頭，更關心囝囝終身大事。

徐嘉華攝

蘇媽媽話：「佢由15歲首次跑殘奧，到家快31歲，我仲以為佢落機後會宣佈退役，點知佢又話要跑埋明年7月喺法國嘅世錦賽。」被問到會唔會想偉仔快啲拍 拖，蘇媽媽就話：「我想都冇用，又要講緣份，又要講夾唔夾，都係順其自然啦！」
問到偉仔嘅生日願望，佢瞇起雙眼話：「冇喎！今次殘奧後亦唔會去旅行，聽日要返工，繼續做香港殘奧會項目助理嘅工作。」
至 於香港殘奧7金公主余翠怡，噚日有細佬接機，仲有局長曾德成送隻三眼仔畀佢（因知佢在殘奧閉幕禮遺失了三眼仔公仔），佢都係要今日返工，但輪椅劍擊隊就先 放3個月假，再好好部署4年後再爭殘奧金牌。擸咗63.5萬港元獎金嘅翠怡話，除咗贊助父母歐遊外，最想買部新電話獎勵自己。