快手搭雞棚
2013-9-11 6:00:04
幚港出聲成立後大灑金錢，每兩個禮拜就燒一輪銀紙，在主要報章登全版廣告，每次至少燒幾十萬，如果一路燒到明年七月，條數都幾襟計。最開心唔係報紙，而係
負責做寫手、設計同落稿既公關公司，如果由周融承辦，就好和味。4As廣告創作人睇完就笑笑口話，份份都咁多字，標題又騎呢，唔知想點，但奇就奇在如此冇
創意，不符張曉明提倡創新精神嘅廣告campaign，毫無效用，就可一直燒落去。
反佔中玩人海戰術
幫阿爺做嘢，比同商界及特區政府做公關marketing筍得多，因為冇衡工量值，總之發咗聲明、開咗記者會、登咗廣告稿就搞掂過骨，開單收錢。商界有客 觀標準去衡量Marketing Campaign，反而阿爺就易收貨。由九十年代至今卅年，中央為維穩駛咗幾多寃枉錢，到頭來有又點。今次反佔中鬥爭，又再一次出現「公關大餅」，各路建 制人馬埋位開飯，人人有分，永不落空。
要分到呢個大餅，第一步就要做少林搭棚大師，搭個雞棚，成立一個組織，成員阿茂阿壽都得，最好就冇名冇姓冇track record，高調搞活動，駛些少錢登廣告，要出少少豉油先可以引到肥雞來。香港八大院校不少一線教授已臨近退休，又想繼續撈落去，請佢地做顧問，暗示自 己檔嘢有內地撐，定必可以搵到一線教授落搭，有佢地做生招牌，將來分公關大餅就容易得多。
第二步就要搵議題，跟住梁志祥應該唔會錯，你睇元朗有勢力鄉紳曾樹和，跟佢指揮，掂。洪水橋發展諮詢會連元朗警區都要搵佢傾計，有地位兼俾足面，勁過劉皇 發、侯志強。而家黒白兩道都團結在反佔中維穩旗幟之下，不分你我，組織內吸納一兩件有背景人士，做起事來更方便。第三步就要搵敵人，民主黨公民黨最好砌， 左右兩邊一齊夾，動搖佢地參加佔中意志，孤立二線教授戴健民及陳健民。如果做到呢一步，大家就發達啦！
在反佔中鬥爭下，人人奮勇，個個爭先，內地就是不缺錢，用人海戰術，成立大大小小反佔中組織，日日霸報紙版面，直至主流中產煩到頂唔順為止，呢場仗成敗關鍵不在於理性、邏輯、論述水平及政治力，一於以量取勝，直至普羅大眾一齊發出「我討厭政治」呼喊為止。
批鬥林慧思運動及幫港出聲，正在活用此策略。
刊於蘋果日報，金融中心版
反佔中玩人海戰術
幫阿爺做嘢，比同商界及特區政府做公關marketing筍得多，因為冇衡工量值，總之發咗聲明、開咗記者會、登咗廣告稿就搞掂過骨，開單收錢。商界有客 觀標準去衡量Marketing Campaign，反而阿爺就易收貨。由九十年代至今卅年，中央為維穩駛咗幾多寃枉錢，到頭來有又點。今次反佔中鬥爭，又再一次出現「公關大餅」，各路建 制人馬埋位開飯，人人有分，永不落空。
要分到呢個大餅，第一步就要做少林搭棚大師，搭個雞棚，成立一個組織，成員阿茂阿壽都得，最好就冇名冇姓冇track record，高調搞活動，駛些少錢登廣告，要出少少豉油先可以引到肥雞來。香港八大院校不少一線教授已臨近退休，又想繼續撈落去，請佢地做顧問，暗示自 己檔嘢有內地撐，定必可以搵到一線教授落搭，有佢地做生招牌，將來分公關大餅就容易得多。
第二步就要搵議題，跟住梁志祥應該唔會錯，你睇元朗有勢力鄉紳曾樹和，跟佢指揮，掂。洪水橋發展諮詢會連元朗警區都要搵佢傾計，有地位兼俾足面，勁過劉皇 發、侯志強。而家黒白兩道都團結在反佔中維穩旗幟之下，不分你我，組織內吸納一兩件有背景人士，做起事來更方便。第三步就要搵敵人，民主黨公民黨最好砌， 左右兩邊一齊夾，動搖佢地參加佔中意志，孤立二線教授戴健民及陳健民。如果做到呢一步，大家就發達啦！
在反佔中鬥爭下，人人奮勇，個個爭先，內地就是不缺錢，用人海戰術，成立大大小小反佔中組織，日日霸報紙版面，直至主流中產煩到頂唔順為止，呢場仗成敗關鍵不在於理性、邏輯、論述水平及政治力，一於以量取勝，直至普羅大眾一齊發出「我討厭政治」呼喊為止。
批鬥林慧思運動及幫港出聲，正在活用此策略。
刊於蘋果日報，金融中心版
沒有留言:
張貼留言