80後青年 寧做怪胎不當樓奴

80後青年　寧做怪胎不當樓奴

唐耀強勇敢面對鏡頭，希望外界多了解他們這一群未畢業便申請公屋的年輕人。黃偉傑攝

年 輕大學生未畢業預先申請公屋，成為香港高樓價下畸形的時代產物，嶺南大學文化研究系三年級學生唐耀強，就自嘲自己是典型「畸胎」！捱低薪儲足三年錢重返校 園讀大學，他去年就以單身名義，搶閘入紙申請輪候公屋；又與數十名無殼青年，組成「青年拒當樓奴運動」民間組織，揚言不租不買，不是要與阿婆爭上樓，只是 希望為自己、為那些真正無能力買私樓的人發聲，向不合理的高樓價說不！
記者：呂麗嬋

「我 知道外界對我哋呢班排定公屋嘅80後評價好負面，覺得我哋年紀輕輕，就要同啲老人家及有需要嘅人爭上樓。但我想講有頭髮邊個想做癩痢？讀大學搵份好工、想 置業安居成家立室，人之常情，但喺香港，呢啲咁平凡嘅要求已經係好多人遙不可及嘅夢想。2006年，我喺職訓局商科文憑畢業，同好多人一樣，學歷唔夠，想 做一陣嘢儲筆錢再讀書。
之後三年，我做過四份工：律師樓文員、教育局外判文職、地區幹事，又試過全職幫人補習。每份工平均月薪6,000蚊、最高 都唔過8,000蚊。呢筆錢要應付每月交通費零用錢同職訓局筆學費貸款，仲要儲錢讀大學已經好勉強，如果要儲埋筆首期，追埋𠵱家啲樓價，更加係天方夜 譚。好在屋企人體諒，家用只係象徵式畀少少，叫做負番基本家庭責任就算。
對比嗰啲一家幾口逼喺百呎劏房嘅家庭，我算好彩，屋企唔富裕，但點都叫做 有間仲有十年先供完嘅居屋，可以一家人住。只係我對上有兩個阿哥，佢哋要結婚生仔、有自己家庭。住喺邊？有冇能力搬出去？係好現實嘅問題。上年我屋企就開 咗個家庭會議，我最細、冇女友，資產同收入又未過上限，決定由我以單身名義申請公屋先，機會幾渺茫都好，買個希望咁解。

唐耀強（右二）組成「青年拒當樓奴運動」，積極請願爭建公屋。資料圖片

「高官知唔知民間疾苦？」

透 過大學聚會同網上討論區，發現原來好多人嘅處境好似，大家一人一句，由學債講到搬出嚟住，甚至置業，人人一肚氣。買樓交唔出首期，唔想一世做樓奴；租樓又 變相幫人供，搵自己笨；預先排公屋，又俾人話霸資源，仲要遙遙無期。冇出路，要搬出去住，租住劏房成為唯一選擇！所以聽到高官話劏房環境唔錯，我特別火 滾，究竟佢哋知唔知民間疾苦？
我知道公屋輪候冊排大隊，嚟緊大趨勢係會收緊單身年輕人申請公屋嘅資格，但點都好，我哋呢班人都好想為自己發吓 聲，就算俾你鬧我同阿婆爭上樓都冇計。我只係想講，如果大學生未畢業，預先申請公屋，係高樓價下嘅怪胎，咁劏房就係施政失誤下嘅魔鬼怪嬰。我希望啲高高在 上嘅官員，唔好再話劏房好住，起多啲公屋，先係真正對症下藥。」

5.6萬青年輪候公屋　寧捱低薪免超上限

樓 價高、租金貴，困擾香港人，根據房屋署資料，截至去年9月，公屋輪候冊累積21.04萬宗申請，創歷年新高；非長者單身的輪候人士佔10萬人，當中 56,500萬宗為30歲以下單身人士，其中逾半更擁有大專學歷。不過，有研究房屋政策的學者就指，數字只屬「虛火」，大學生畢業後工作一、兩年，入息上 限隨時超標。
「過來人」唐耀強笑言，在高樓價下，有「青年拒當樓奴運動」成員已表示畢業後會積極考慮找一份9,000元以下嘅工作，以免被剔出名冊。「咁樣做當然只係少數，但當屯門啲樓都可以賣到過萬蚊一呎，有乜嘢係唔可以發生吖？」他反問。