2014年08月13日
近年自由行效應令到商舖租金急劇飆升，不少商戶因為捱不住貴租而被迫結業或搬遷。原來02年開始在尖沙嘴區開設「音樂人教室」的張崇德，近日亦因為承受不
住加租壓力而無奈撤離尖沙嘴，於本月底搬往租金便宜的荃灣工業大廈繼續音樂夢。張崇德說：「我都計唔掂數，租金去到六位數字，其實係好辛苦。」
現年42歲的張崇德，93年與哥哥張崇基憑一曲《認錯》贏得新秀冠軍後加入樂壇，張崇德多年來從沒放棄自己的音樂夢，02年，張崇德與太太劉美娟斥資近百
萬在尖沙嘴諾士佛臺開設「音樂人教室」，開班教授唱歌和樂器技巧，又設數碼錄音室進行音樂製作。開業初期，生意不俗，可惜03年沙士爆發，將他一鋪打沉，
那段時間，教室是零學生。
難抵六位數字租金
咬緊牙關撐過沙士，張崇德滿以為一切雨過天青，卻又遇上業主拒續租，張崇德花費了數十萬裝修費全化為烏有。兩度遇上挫敗，張崇德仍心不死，決定將教室搬往 加拿分道利嘉大廈二樓，面積近4,000呎，月租5萬餘元，除再花上30多萬的裝修費外，鋼琴和錄音室等器材仍要分期付款繼續供，令張崇德百上加斤。幾經努力辛苦下，新址「音樂人教室」在05年總算上了軌道，學生人數高峯期最高去到100人，但正當過去9年生意漸有起色之際，偏偏最近又遇上約滿業主加租，張崇德今次真的苦無計策，惟有選擇離開。
前 日他在即將搬遷的教室受訪時無奈地說：「就算今次加完之後比同區都係偏低，但我應付唔到，業主冇理由擺個單位喺度長期蝕價，但就算平啲，我都計唔掂數，租 金去到六位數字，其實係好辛苦。雖然有少少無奈要搬，但我諗新地方會有新衝擊。」
■K11是自由行的熱點之一，連帶崇德音樂室位於的利嘉大廈（箭嘴示）租金亦上升。
|
■張崇德捱過沙士，但卻敵不過貴租，被迫由尖沙嘴搬到荃灣繼續營業。
|
■除租金成本，音樂室內的鋼琴和器材仍要分期繼續供，令張崇德百上加斤。
|
登台接騷補貼教室
政商界反對削減自由行來港，還叫市民大眾多多「包容」，身為大律師的翁靜晶日前卻為民發聲，直斥自由行擾亂香港民生，問到是否自由行湧現尖嘴逼使租金瘋狂 上升？張崇德亦說：「我唔知係咪直接原因，我最開頭搬嚟都未開嗰個商場（K11），到K11開咗，越嚟越多人喺呢區出現，有個自由行一定去買嘅曲奇餅舖又 開喺呢度，打晒蛇餅，所以整個周圍越嚟越多人。𠵱家樓下又整路，封咗之後成日塞車，以前係一個幾方便嘅地方，包括搭港鐵同揸車都方便，但𠵱家唔係，好 唔方便。人多咗其實唔會影響到我，但租金就直接影響，租金佔咗好大成本，就算未加租，燈油火蠟加加埋埋每個月起碼都要六位數字。」原來幾年前開 始，教室因為入不敷支，張崇德要登台做騷和接其他工作賺錢補貼，讓教室繼續營運。問何不將蝕本生意結束？他說：「曾經諗過好多次，點解冇結束，同我開業嗰 時個概念有關，我希望可以聚到一班音樂人，唔係淨係生意，我有好多學生冇再喺度學，但到過時過節會send啲card嚟，譬如BabyJohn係我學生， 佢好耐冇學，但大家一直keep住聯絡，所以呢個地方我仍然想保留住。減低租金之後，我成件事就容易好多，生意運作係健康好多。」
可曾考慮提高學 費來維本？張崇德說：「好難再加上去，茶餐廳加多幾蚊就容易，但我唔想學生咁大負擔，學唱歌或者學音樂係減壓，如果經濟上令佢哋更大壓力，我覺得冇乜意 思。」問到由尖沙嘴搬到荃灣，可能會影響音樂室收生？他說：「我從好方面諗，跟開我學嘅學生，基本上我都問過佢，冇乜大影響，最多話遠咗少少，但都會嚟 學。從好嘅方面諗，可能開發番另一個區域。」
醫療訴訟拖足九年
此外，張崇德和太太劉美娟05年痛失愛子天藍，醫委會花了九年時間才完成審理。張崇德直言路好漫長，他說：「最辛苦係美娟陀二仔時，因為要面對民事訴訟， 律師要問好多細節同相關影片，我怕影響佢情緒，所以唔敢同佢講。其他屋企人又覺得唔應該追查落去，所以要一個人承受。𠵱家總算找出真相，唔可以話滿唔滿 意結果，但起碼知道係同醫生有關，仲揭露出香港醫療制度差到一個乜嘢嘅地步？用媒體報道逼醫委會改革，我哋事件只係冰山一角，真係冇乜人有咁嘅金錢、時間 去堅持九年，但諗番轉頭都係好值得。」採訪：戴彩煥
攝影：陳慧安
沒有留言:
張貼留言