2014年08月03日
警務處署理行動處處長張德強日前對警員可否簽名反佔中含糊其辭，昨日口風有變，指休班警員以私人身份就違法行為表達意見，「我睇唔到有咩問題」，似為容許
警員簽名反佔中開綠燈。佔中發起人陳健民認為，即使警員以個人名義簽名，也會令人質疑警員能否保持中立，公民黨余若薇更斥責張滿口歪理。
張德強昨接受電台訪問時指按《基本法》和《人權法》，警員與市民一樣有表達自由，只是警員受《警察通例》限制，表達意見時不能影響執法公正性或令人誤會公正性受影響，故警方不鼓勵警員參加遊行集會。
民陣：令市民失信心
至於能否參與反佔中簽名，日前仍閃爍其辭的張，昨反問為何休班警不能對可能違法的事表達意見，「同事如果係休咗班，以私人身份，如果係對一啲違法嘅行為作 一個表達，我睇唔到有咩問題」，又推說警員專業和學識高，相信會考慮表達意見時會否有違通例。張又舉例稱，「有時我搭完地鐵一出去，就有人走埋嚟問我：『先生，你贊唔贊成政府喺呢個區起多兩個泳池？我咁鍾意運動梗係好啦﹗』咁唔通我又有違警例呀？」隨即有市民致電到電台反駁，指張的比喻「根本上就唔關事」，又指休班警員也可行使警權。
公民黨余若薇批評，《警察通例》列明警員不能參與政治活動，指「警察休班之後參與一個政治活動就唔係政治活動咩？呢個好明顯係歪理」。陳健民亦質疑，警員以個人身份簽名反佔中就難以保持政治中立，正如難以想像特首以個人身份簽名。
民陣召集人楊政賢亦斥，張德強的說法令市民對警隊失信心，「可以睇到好多警方人員會走去簽反佔中，呢個完全係打破咗警方政治中立嘅取態，亦都令到市民極之冇信心，警方喺面對佔中示威者能夠持平同埋唔會傷害示威者」。
立 法會保安事務委員會副主席涂謹申指，警員表達意見的底線，是不能令市民覺得警方執法有偏頗，「例如你係一個警司級，你要調動人員，然後你又高調走去周融嗰 邊（簽名反佔中），傳媒影住嚟簽名，咁你諗吓市民會唔會覺得你有偏頗呢？」
沒有留言:
張貼留言