寶藥執政黨
2014-3-19 6:00:45
現時政府管治水平，已去到恐怖地步，南沙香港園是最新例證，難怪舊制AO一到55歲立即退休走人，多留一日都怕眼冤。南沙買地大計當然唔係
brainstorming大家掟橋咁簡單，否則又點會去到內部高層爭拗應否動用公帑去南沙殖民咁具體。梁營人馬及智庫推動南沙上馬，並非新絲蘿蔔皮，現
時出來否認係政府官員，但梁粉有權，一計不成又生一計，足以令政府打倒昨日之我。
政府由殖民地年代開始，決策有規有矩，有既定程序，內部講求程序理性，官僚理性，多年來有爭議之政策出台，都能夠站得住腳，雖然行政獨裁，又唔民主，但利 益集團及政客都難挑動反對民意，係因為公眾相信公務員決策程序，唔會濫用權力、唔搞意識形態，唔做政績工程，此所謂良政善治之本質。
但在左派政客眼中，政務官系統代表官僚主義、因循保守、唔明國情，冇想像力，必須除之而後快。政客要取代官僚，唯一優勢在於民意，得到群眾授權去執行政 綱，由上而下壓服官僚體系及其理念。回歸至今，老董、阿松、梁振英、張志剛同一條水，不斷思考建立執政力量，老董第二任在鬥倒陳方安生後，推出問責制，成 功奪取政務官決策權。但佢哋愚蠢地認為毋須民意授權，可以憑空建立執政力量，只要靠西環、建制派政黨及操控媒體。
問題係由一班冇共同政治信念、冇階級立場、只有利益權力而喺埋一齊雜牌軍，特首又非共主，加上冇民意基礎下點可能組成執政力量。如果咁都得，曼聯在莫耶斯帶領下都捧歐聯冠軍啦！
南沙冇上馬 或全靠財爺
梁與董犯上同樣錯誤，高估建制力量之認受性，幾條友閂埋門度條絕世好橋去南沙殖民，一聽就知係騎呢，在政府內部芸芸AO之中，稍為醒少少嘅D2都足夠打沉 此類發展大計，因背後牽涉所有政策局要改變既定政策原則、改法例，去立法會審議。但一個完全冇實質只係吹水之南沙殖民計劃，竟然有本事空手入白刃，去到政 府高層商討，而且仲好具體，討論應否由公帑出資去南沙買地，梁振英權力之大，足以bypass政府內部所有程序監督。
據悉反對動用公帑去南沙買地係財政司司長，究竟政務司司長林鄭月娥做緊乜，佢統率大部份相關政策局，亦係政策委員會主席，為政策把關，如果容許一個「吹水 概念」去到極高層討論動用公帑，佢一係扮瞌眼瞓，等梁曾二人互片，一係佢就同梁振英夾好，曾俊華唔夠硬淨，咁就已經成事過晒骨。政府決策之粗糙及騎呢，令 人怵目驚心。
如果大嶼山開發，又係由梁粉主導，唔係由下而上經政策局AO醞釀，必定又係冇認受性，社會爭拗不絕，最後一事無成便搵代罪羔羊：鍾庭耀、田北俊、西環契仔契女、唐營、肥佬黎，名單大把人，現時仲可多加一個名字：曾俊華。
蘋果日報連結
政府由殖民地年代開始，決策有規有矩，有既定程序，內部講求程序理性，官僚理性，多年來有爭議之政策出台，都能夠站得住腳，雖然行政獨裁，又唔民主，但利 益集團及政客都難挑動反對民意，係因為公眾相信公務員決策程序，唔會濫用權力、唔搞意識形態，唔做政績工程，此所謂良政善治之本質。
但在左派政客眼中，政務官系統代表官僚主義、因循保守、唔明國情，冇想像力，必須除之而後快。政客要取代官僚，唯一優勢在於民意，得到群眾授權去執行政 綱，由上而下壓服官僚體系及其理念。回歸至今，老董、阿松、梁振英、張志剛同一條水，不斷思考建立執政力量，老董第二任在鬥倒陳方安生後，推出問責制，成 功奪取政務官決策權。但佢哋愚蠢地認為毋須民意授權，可以憑空建立執政力量，只要靠西環、建制派政黨及操控媒體。
問題係由一班冇共同政治信念、冇階級立場、只有利益權力而喺埋一齊雜牌軍，特首又非共主，加上冇民意基礎下點可能組成執政力量。如果咁都得，曼聯在莫耶斯帶領下都捧歐聯冠軍啦！
南沙冇上馬 或全靠財爺
梁與董犯上同樣錯誤，高估建制力量之認受性，幾條友閂埋門度條絕世好橋去南沙殖民，一聽就知係騎呢，在政府內部芸芸AO之中，稍為醒少少嘅D2都足夠打沉 此類發展大計，因背後牽涉所有政策局要改變既定政策原則、改法例，去立法會審議。但一個完全冇實質只係吹水之南沙殖民計劃，竟然有本事空手入白刃，去到政 府高層商討，而且仲好具體，討論應否由公帑出資去南沙買地，梁振英權力之大，足以bypass政府內部所有程序監督。
據悉反對動用公帑去南沙買地係財政司司長，究竟政務司司長林鄭月娥做緊乜，佢統率大部份相關政策局，亦係政策委員會主席，為政策把關，如果容許一個「吹水 概念」去到極高層討論動用公帑，佢一係扮瞌眼瞓，等梁曾二人互片，一係佢就同梁振英夾好，曾俊華唔夠硬淨，咁就已經成事過晒骨。政府決策之粗糙及騎呢，令 人怵目驚心。
如果大嶼山開發，又係由梁粉主導，唔係由下而上經政策局AO醞釀，必定又係冇認受性，社會爭拗不絕，最後一事無成便搵代罪羔羊：鍾庭耀、田北俊、西環契仔契女、唐營、肥佬黎，名單大把人，現時仲可多加一個名字：曾俊華。
蘋果日報連結
沒有留言:
張貼留言